მთავარი,სიახლეები

139 ათასამდე უხელფასოდ დარჩენილი დასაქმებული კომპენსაციის მოლოდინში – პანდემია

24.05.2020 • 1513
139 ათასამდე უხელფასოდ დარჩენილი დასაქმებული კომპენსაციის მოლოდინში – პანდემია

შემოსავლების სამსახურის ბოლო მონაცემებით, დაახლოებით 22 000 დამსაქმებელს უკვე წარდგენილი აქვს ინფორმაცია 138 949  დაქირავებით დასაქმებულზე, რომლებიც პანდემიის გამო უხელფასოდ დარჩნენ.

დამსაქმებლებს ასეთი თანამშრომლების მონაცემების გადაგზავნა 20 მაისის ნაცვლად 30 მაისის ჩათვლით შეუძლიათ.

ახალი კორონავირუსით გამოწვეული ინფექციის შედეგად მიყენებული ზიანის შემსუბუქების მიზნობრივი სახელმწიფო პროგრამის მიხედვით – „გაფართოვდა კომპენსაციის მიმღებ დასაქმებულ პირთა წრე. კერძოდ, კომპენსაციის მიღების უფლება აქვს: დაქირავებულს, მათ შორის პირს, რომელიც ორსულობის, მშობიარობისა და ბავშვის მოვლის, ასევე ახალშობილის შვილად აყვანის გამო იმყოფება შვებულებაში, თუ ის დაქირავებით საქმიანობას ეწეოდა 2020 წლის პირველი სამი თვიდან რომელიმე ერთ თვეს მაინც, იღებდა ხელფასს და 2020 წლის 1-ელ ივნისამდე შეუწყდა ან შეუჩერდა შრომითი ურთიერთობა დამქირავებელთან“.

„კიდევ ერთხელ განვმარტავთ, რომ კომპენსაციის მიღების უფლება აქვს იმ დაქირავებულს, რომელსაც 2020  წლის 1-ელ ივნისამდე ნებისმიერი მიზეზით შეუწყდა ან შეუჩერდა შრომითი ურთიერთობა დამქირავებელთან და აკმაყოფილებს დადგენილებით გათვალისწინებულ მოთხოვნებს,“ – აცხადებს შემოსავლების სამსახური.

ამასთან, კომპენსაცია დასაქმების სააგენტოს მიერ გაიცემა  პირის მითითებულ საბანკო ანგარიშზე არაუგვიანეს შესაბამისი თვის (თვე, რომელშიც  პირმა ვერ მიიღო ხელფასი) მომდევნო თვის 30 რიცხვისა. ანუ, 20 მაისამდე წარდგენილი მონაცემების მიხედვით დასაქმებული აპრილის თვის კომპენსაციას – 200 ლარს მიიღებს 31 მაისამდე.

მაისის 21-დან 30 რიცხვის ჩათვლით წარდგენილი ინფორმაციების მიხედვით კი, კომპენსაცია გაიცემა 11 ივნისამდე.

ამ თემაზე:

კომპენსაციის მისაღებად მონაცემების გადაგზავნა 30 მაისის ჩათვლითაა შესაძლებელი – სიახლე

გადაბეჭდვის წესი


ასევე: