Batumelebi | ბათუმში თხევადი გაზის რეზერვუარიდან აირი გაიფრქვა – ადგილზეა სამი სახანძრო ჯგუფი ბათუმში თხევადი გაზის რეზერვუარიდან აირი გაიფრქვა – ადგილზეა სამი სახანძრო ჯგუფი – Batumelebi

ბათუმში თხევადი გაზის რეზერვუარიდან აირი გაიფრქვა – ადგილზეა სამი სახანძრო ჯგუფი

დღეს, 21 მაისს, ბათუმში, ფაღავას ქუჩაზე, თხევადი გაზის რეზერვუარიდან დაზიანების შედეგად აირი ჰაერში გაიფრქვა.

საგანგებო სიტუაციების სამსახურის ინფორმაციით, ბუნებრივი აირის რეზერვუარის გამომავალ მილთან მცირე დაზიანებაა და ბუნებრივი აირი იფრქვევა ჰაერში. სამსახურში გვითხრეს, რომ აფეთქების საშიშროება არ არის.

„ადგილზე მობილიზებულია სამი სახანძრო ჯგუფი, რომელიც აწარმოებს რეზერვუარის გაგრილებას,“ – გვითხრეს საგანგებო სიტუაციების სამსახურში.

„ბათუმელების“ ინფორმაციით, გაზის რეზერვუარი შპს „ბომბორას“ ეკუთვნის.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com