დღეს, 21 მაისს, საქართველოს პრემიერ-მინისტრმა, გიორგი გახარიამ განაცხადა, რომ საბანკო სექტორთან შეხვედრის შემდეგ მიღებული იქნა გადაწყვეტილება, საბანკო კრედიტის გადავადების შესახებ პანდემიის შედეგად დაზარალებული მოსახლეობის გარკვეული კატეგორიისთვის.
კერძოდ:
„ყველა იმ მოქალაქეს, რომელმაც დაკარგა სამსახური და რომელსაც სახელმწიფო თავისი სოციალური ანტიკრიზისული გეგმით ეხმარება, შემდგომი სამი თვის განმავლობაში ავტომატურად გადაუვადდება სესხის მომსახურება სამი თვით.
გარდა ამისა, ყველა იმ მოქალაქეს, რომელსაც შეუმცირდა შემოსავალი და აქვს საბანკო კრედიტი და რომელიც თავისი სურვილით მიმართავს ბაკს, ასევე მოხდება მისი საკრედიტო პროცენტის გადასახადის გადავადება სამი თვით,“ – განაცხადა გახარიამ.
მან დასძინა, რომ კრედიტების გადავადება მოხდება პროცენტის კაპიტალიზაციის გარეშე.
