Batumelebi | ჩრდილოეთ ოსეთში 380 ჯანდაცვის მუშაკი დაინფიცირდა კორონავირუსით ჩრდილოეთ ოსეთში 380 ჯანდაცვის მუშაკი დაინფიცირდა კორონავირუსით – Batumelebi

ჩრდილოეთ ოსეთში 380 ჯანდაცვის მუშაკი დაინფიცირდა კორონავირუსით

ჩრდილოეთ ოსეთში კორონავირუსი დაუდგინდა 380 სამედიცინო მუშაკს. ამის შესახებ „ოსეთი – ერისტონის” სატელევიზიო ეთერში რუსეთის სოციალური დაზღვევის ფონდის რეგიონალური განყოფილების მენეჯერმა ზალინა აილაროვამ განაცხადა. მისივე თქმით, ჩრდილოეთ ოსეთში ახალი კორონავირუსით ინფიცირებულ ადამიანებთან 2882 სამედიცინო მუშაკი მუშაობს.

დაინფიცირებულ 380 მედმუშაკთაგან 123 ექიმი კორონავირუსით დაზარალებულთა სიაში  მოხვდა, რაც ნიშნავს, რომ უახლოეს მომავალში ისინი ფულად კომპენსაციას, 68 ათას რუბლს მიიღებენ. საუბარია რუსეთის ჯანდაცვის სამინისტროს ბრძანებაზე, რომელმაც დაამტკიცა დაავადებათა ჩამონათვალი, რომელთა გამწვავების დროს (კორონავირუსით ინფიცირებისას), სამედიცინო მუშაკს გადაუხდიან კომპენსაციას.

Tvrain.ru წერს, რომ ჩრდილოეთ ოსეთში COVID-19 ინფექციის 2314 შემთხვევა გამოვლინდა, გარდაიცვალა 18 ადამიანი.

ნეტგაზეთის მასალების სხვა გამოცემებში გადაბეჭდვის წესი
ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან