კულტურული მემკვიდრეობის ძეგლის რესტავრაცია ბათუმში, ჟორდანიას #14-ში, თითქმის დასრულებულია. აჭარის კულტურული მემკვიდრეობის სააგენტოს ინფორმაციით, ამ სახლის რესტავრირებაში 400 000 ლარი დაიხარჯა.
სპეციალისტის დახასიათებით, „შენობა მნიშვნელოვანია თავისი მაღალი სამშენებლო ოსტატობით და გემოვნებით განაწილებული კლასიცისტურ-ბაროკული დეკორით. სახლის სიახლოვე ზღვასთან უზრუნველყოფს მისი ადეკვატურად აღქმის შესაძლებლობებს. ამჟამად ორსართულიანი შენობის ფასადი კლასიცისტური და ბაროკული სტილისთვის დამახასიათებელი დეკორატიული ელემენტებითაა შემკული.“
კომპანია „გეოგრაფიკის“ ინფორმაციით, თავდაპირველად ეს სახლი სამსართულიან ნაგებობას წარმოადგენდა. მისი მესამე სართული მსახურების ოთახებსა და სამრეცხაოს ეკავა, რომელიც 1918 წელს დაიწვა.
ამჟამად სახლი სამ მოქალაქეს ეკუთვნის.