თურქეთში საქართველოს საელჩოს ცნობით, კორონავირუსის გავრცელების პრევენციის მიზნით, მოქალაქეებს პირბადის გარეშე ქუჩაში გასვლა ეკრძალებათ თურქეთის 29 ქალაქში.
ეს ქალაქებია: ამასია, ადიამანი, აიდინი, აფიონქარაჰისარი, ბალიქესირი, ბოლუ, ბართინი, ბურდური, გაზიანთეფი, გუმუშჰანე, დენიზლი, დუზჯე, იზმირი, კასტამონუ, მუღლა, უშაქი, რიზე, ქარაბუქი, კაისერი, საქარია, სიირთი, თუნჯელი, ქირიქქალე, ქოჯაელი, ქირქლარელი, კონია, ქაჰრამანმარაში, ისპარტა და შანლიურფა.
ზემოაღნიშნული წესის დამრღვევი პირი დაჯარიმდება.
18 მაისს პრეზიდენტმა ერდოღანმა ასევე განაცხადა, რომ თურქეთის პროვინციებში გადაადგილების შეზღუდვა კიდევ 15 დღეს გაგრძელდება, ხოლო სკოლებში სწავლა სექტემბრამდე არ განახლდება.
19 მაისის მონაცემებით, თურქეთში დადასტურებულია კორონავირუსის 150 593 შემთხვევა. მათგან გამოჯანმრთელდა 111 577 ადამიანი, გარდაიცვალა – 4171.
___________
ფოტოზე: სტამბოლის ყოველდღიური ცხოვრება კორონავირუსის პანდემიისას. ფოტო: ევროპის პრესფოტო სააგენტო. EPA/SERPIL GEDIK
ამავე თემაზე:
