Batumelebi | თურქეთში ბაირამის გამო 4 დღით კარანტინი გამოცხადდა თურქეთში ბაირამის გამო 4 დღით კარანტინი გამოცხადდა – Batumelebi

თურქეთში ბაირამის გამო 4 დღით კარანტინი გამოცხადდა

თურქეთი 4 დღით მთელ ქვეყანაში აცხადებს კარანტინს კორონავირუსის პრევენციის ფარგლებში. ოთხდღიანი კარანტინი მარხვის დასრულებისას დღესასწაულს უკავშირდება, რომელსაც მუსლიმური სამყარო 23-26 მაისს აღნიშნავს.

18 მაისს პრეზიდენტმა ერდოღანმა ასევე განაცხადა, რომ თურქეთის პროვინციებში გადაადგილების შეზღუდვა კიდევ 15 დღეს გაგრძელდება, ხოლო სკოლებში სწავლა სექტემბრამდე არ განახლდება.

ამ დრომდე თურქეთში მეჩეთებში შეკრება დაშვებული არ არის. თურქეთში კორონავირუსის ეპიდემიის გავრცელების შემდეგ, მთელი ქვეყნის მასშტაბით აიკრძალა შეკრება მეჩეთებში, მათ შორის, პარასკევის ლოცვაზე.

გუშინ, 18 მაისს, ერდოღანმა განაცხადა, რომ თურქეთში მეჩეთები, ნაწილობრივ, 29 მაისიდან გაიხსნება.

19 მაისის მონაცემებით, თურქეთში დადასტურებულია კორონავირუსის 150 593 შემთხვევა. მათგან გამოჯანმრთელდა 111 577 ადამიანი, გარდაიცვალა – 4171.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com