დღეს, 11 მაისიდან, კორონავირუსის პანდემიის ფარგლებში დაწესებული შეზღუდვების ნაწილი მოიხსნა.
[checklist]
- დღეიდან მოიხსნა შეზღუდვა თბილისში შესვლასა და გასვლასთან დაკავშირებით
- გაიხსნა ყველა სახის წარმოება, მათ შორის, საგამომცემლო საქმიანობა
- 11 მაისიდან გახსნის უფლება აქვთ ღია მოსასვენებელ და სარეკრეაციო ზონებსაც
- იხსნება ყველა სახის საცალო და საბითუმო მაღაზია, რომელსაც აქვს შესასვლელი ქუჩიდან და რომელიც არ ვაჭრობს ტანსაცმლითა და ფეხსაცმლით
- 14 მაისიდან შესვლა/გამოსვლის თვალსაზრისით იხსნება რუსთავი და გარდაბანი, ხოლო 18 მაისიდან – მარნეული
[/checklist]
ძალაში რჩება შემდეგი შეზღუდვები:
[crosslist]
- ძალაშია საგანგებო მდგომარეობა და კომენდანტის საათი
- აკრძალულია სამ კაცზე მეტის გადაადგილება ავტომობილით
- დახურულ სივრცეებში, მაღაზიებში და ა.შ. საჭიროა პირბადის ტარება
- აკრძალულია საზოგადოებრივი ტრანსპორტის მოძრაობა [ავტობუსები, სამარშრუტო ტაქსები, მატარებლები]
- დახურულია ტანსაცმლისა და ფეხსაცმლის მაღაზიები
[/crosslist]
კორონავირუსის ეპიდემიის გამო საგანგებო მდგომარეობა საქართველოში 21 მარტს გამოცხადდა და 22 მაისამდეა ძალაში.
11 მაისის [10:30 სთ] მონაცემებით, საქართველოში დადასტურებულია ახალი კორონავირუსის 635 შემთხვევა, მათგან გამოჯანმრთელდა 309 ადამიანი, გარდაიცვალა -10.