Batumelebi | მასწავლებლის მომზადების პროგრამაში ცვლილება შევიდა – მინისტრის ბრძანება მასწავლებლის მომზადების პროგრამაში ცვლილება შევიდა – მინისტრის ბრძანება – Batumelebi

მასწავლებლის მომზადების პროგრამაში ცვლილება შევიდა – მინისტრის ბრძანება

მასწავლებლის მომზადების საგანმანათლებლო პროგრამაზე მიღების წესში ცვლილება შევიდა. საქართველოს განათლების მინისტრის 29 აპრილის ბრძანებით, აპლიკანტი შესაძლოა იყოს პირი, რომელსაც აქვს ბაკალავრის, მაგისტრის ან მასთან გათანაბრებული აკადემიური ხარისხი ან მასწავლებლის კარიერული წინსვლის სქემაში განაწილებული პრაქტიკოსი მასწავლებელი.

ამავე ბრძანების მიხედვით, 2021 წლის ბოლომდე, აპლიკანტი შესაძლებელია იყოს როგორც ბაკალავრის ან მასთან გათანაბრებული აკადემიური ხარისხის მქონე პირი, ასევე მასწავლებლის პროფესიული განვითარებისა და კარიერული წინსვლის სქემაში განაწილებული პრაქტიკოსი მასწავლებელი.

მასწავლებლის მომზადების საგანმანათლებლო პროგრამაზე მიღების საფუძველი იმ საგნის გამოცდის ჩაბარებაა, რომლის სწავლებაც სურს ზოგადსაგანმანათლებლო დაწესებულებაში. პრაქტიკოსი მასწავლებლის შემთხვევაში კი საგნობრივი კომპეტენციის დადასტურება იმ საგანში, რომელსაც სკოლაში ასწავლის.

 

მთავარი ფოტო: „ბათუმელების“ არქივი.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com