Batumelebi | რუსეთში Covid19-ით ინფიცირებულთა რიცხვი რეკორდულად გაიზარდა რუსეთში Covid19-ით ინფიცირებულთა რიცხვი რეკორდულად გაიზარდა – Batumelebi
RU | GE  
წყარო: TASS

რუსეთში Covid19-ით ინფიცირებულთა რიცხვი რეკორდულად გაიზარდა

რუსეთში, ბოლო 24 საათში, Covid-19-ით ინფიცირების კიდევ 7 099 შემთხვევა დაფიქსირდა, მათგან 39,9%-ს არ აღენიშნებოდა დაავადების კლინიკური ნიშნები  – ამის შესახებ ინფორმაციას რუსეთის მთავრობის ოპერატიუული რეაგირების შტაბი ავრცელებს. ინფიცირების ახალი შემთხვევები ქვეყნის 85-ივე რეგიონში დაფიქსირდა. ქვეყანაში ინფიცირებულთა ჯამური რაოდენობა 106 498-ია, გარდაცვლილია 1 073 ადამიანი, გამოჯანმრთელდა – 11 619.

რუსეთში დღე-ღამეში Covid-19-ის ახალი შემთხვევების ასეთი მაღალი მაჩვენებელი აქამდე არ დაფიქსირებულა.

გასულ დღე-ღამეში რუსეთში Covid-19-ით 101 ადამიანი მოკვდა. „უკვე მეორე დღეა სიკვდილიანობის მაჩვენებელი 100-ს აჭარბებს” – წერს BBC-ი.

„ახლა მოსკოვში გარდაცვლილთა რაოდენობა 600-ს აჭარბებს, დიაგნოსტირებულთა რიცხვი კი 53 739-ია” – წერს BBC-ი.

მსოფლიოში ახალი კორონავირუსის დადასტურებული შემთხვევების რაოდენობა 3 236 283-ია, აქედან გამოჯანმრთელდა 1 010 080 ადამიანი და გარდაიცვალა – 228 611.

რამდენიმე დღის წინ რუსეთმა COVID-19-ის შემთხვევების რაოდენობით ჩინეთს გაუსწრო. დადასტურებული შემთხვევების რაოდენობით იგი მსოფლიოში მე-8 ადგილზეა.

ნეტგაზეთის მასალების სხვა გამოცემებში გადაბეჭდვის წესი
ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან