Batumelebi | ბიძინა ივანიშვილი tiktok-ზე ბერასთან ერთად გამოჩნდა ბიძინა ივანიშვილი tiktok-ზე ბერასთან ერთად გამოჩნდა – Batumelebi
RU | GE  

ბიძინა ივანიშვილი tiktok-ზე ბერასთან ერთად გამოჩნდა

პარტია „ქართული ოცნების“ თავმჯდომარე ბიძინა ივანიშვილი, რომელიც ქვეყანაში ახალი კორონავირუსის პანდემიის პერიოდში საჯაროდ არ გამოჩენილა, სოციალურ ქსელ tiktok-ში, ბერა ივანიშვილის ვიდეოში გამოჩნდა.

ბერამ დღეს, 21 აპრილს, საღამოს, გამოაქვეყნა ვიდეო წარწერით – „საიდუმლო მისალმება მამასთან“, რომელშიც ჩანს როგორ ესალმებიან ერთმანეთს ბერა და ბიძინა ივანიშვილი.

ვიდეო, სავარაუდოდ, შეკვეთილშია გადაღებული.

@bera_nanukaSecret handshake with my father 😄🤝♬ original sound – bera_nanuka

საქართველოს პრემიერ-მინისტრმა გიორგი გახარიამ 9 აპრილს ივანიშვილს „უნიკალური დაზღვევა“ უწოდა. ასე გამოეხმაურა  გახარია ბიძინა ივანიშვილის გადაწყვეტილებას STOPCOV ფონდში 100 მილიონის ლარის ჩარიცხვასთან დაკავშირებით.

შეგახსენებთ, რომ კოროავირუსის პანდემიის მიუხედავად, საქართველოში ივანიშვილის ბაღისთვის ხეების ამოთხრისა და ტრანსპორტირების პროცესი არ შეფერხებულა. „ტვ პირველის“ ცნობით, 24 მარტს ხობის სოფელ ქარიატიდან გადაიტანეს მრავალწლოვანი ჭადრები ივანიშვილის ბაღისთვის.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com