Batumelebi | კიდევ ერთი ინფიცირებული ქობულეთის კლასტერიდან – სულ 34 კიდევ ერთი ინფიცირებული ქობულეთის კლასტერიდან – სულ 34 – Batumelebi
RU | GE  

კიდევ ერთი ინფიცირებული ქობულეთის კლასტერიდან – სულ 34

აჭარის ჯანდაცვის სამინისტროს ინფორმაციით, ქობულეთის კლასტერიდან კიდევ ერთი ინფიცირებული გამოვლინდა.

მინისტრის მოადგილის, ნინო ნიჟარაძის განცხადებით, დაავადებული პირი ოჯახთან ერთად იმყოფებოდა თვითიზოლაციაში. აღნიშნული პირი გადაყვანილია კლინიკა „მედალფაში“, ოჯახის წევრები კი – საკარანტინე სივრცეში.

„დაავადებული პირი არის ქალი და მისი მდგომარეობა ამ დროისთვის მსუბუქია. დღის განმავლობაში მოხდება ყველა კონტაქტის მოკვლევა. ჩივილები დაეწყო გუშინ ღამით, როცა იყო თვითიზოლაციის რეჟიმში.“

ნინო ნიჟარაძის თქმით, 5 ადამიანი მიიჩნევა გამოჯანმრთელებულად, თუმცა აქედან მხოლოდ 3 დატოვებს დღეს კლინიკას, 2 ადამიანი კი ჯერჯერობით ისევ კლინიკაში დარჩება, სანამ ნარჩენი მოვლენები სრულად არ ალაგდება.“

ნინო ნიჟარაძის თქმით, ჯამში კლინიკაში 34 ადამიანი მკურნალობს. ქობულეთის კლასტერთან სულ 34 პირია დაკავშირებული, მათთან ჯამურად 474 კონტაქტია, რის გამოც შესაძლოა დაავადების მაჩვენებელი გაიზარდოს.

„ჩვენ კიდევ ვგეგმავთ დარჩენილი კონტაქტების ნიმუშების აღებას, საეჭვო ჩივილების მქონე პირები მაშინვე გადმოგვყავს კლინიკაში. გადაცემას და მატებას, ზოგადად, ადგილი არ აქვს.

ცხელების კლინიკაში ამჟამად 16 პაციენტი იმყოფება, ეს არის ინფექციური „მედემერჯენსი“ და რესპუბლიკური საავადმყოფო. დღის განმავლობაში აქედან ველოდებით ნიმუშებზე პასუხს. გუშინ, დღის განმავლობაში, ცხელების კლინიკაში 34-მა პაციენტმა გაიარა და მათი პასუხი იყო უარყოფითი“, – ამბობს ნიჟარაძე.

_____

20 აპრილის დილის მონაცემებით, ქვეყანაში კორონავირუსის 399 შემთხვევაა გამოვლენილი, აქედან 93 გამოჯანმრთელდა, 4 პირი კი გარდაიცვალა.

კარანტინის რეჟიმში იმყოფება – 4782, სტაციონარში მეთვალყურეობის ქვეშ – 503, უცხოეთიდან სამკურნალოდ გადმოყვანილია საქართველოს 3 მოქალაქე.-

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com