საშიშია თუ არა ზღვაში ბანაობა და სასმელი წყალი? – ახალი კორონავირუსი

COVID-19-ისა და წყლის უსაფრთხოების შესახებ ბევრი კითხვა არსებობს, მათ შორის: შეიძლება თუ არა ახალი კორონავირუსი გავრცელდეს წყლით და საშიშია თუ არა ზღვაში ბანაობა პანდემიის პირობებში. 

• შეიძლება თუ არა covid-19 გავრცელდეს სასმელი წყლით?

ჯანდაცვის მსოფლიო ორგანიზაციის ინფორმაციით, მიუხედავად იმისა, რომ სასმელ წყალში ვირუსის არსებობა შესაძლებელია, არ არსებობს მტკიცებულება, რომ ახალ კორონავირუსებს შეუძლიათ ზედაპირულ ან მიწისქვეშა წყლებში გაჩერება ან ვირუსის გავრცელება შესაძლებელია დაბინძურებული სასმელი წყლის მოხმარებით.

აშშ-ს ჯანდაცვისა და სოციალური სამსახურის სამინისტროს ინფორმაციით, სასმელი წყლის მუნიციპალურ სისტემებში წყლის გაწმენდის ჩვეულებრივი მეთოდები, როგორიცაა ფილტრაცია და დეზინფექცია, საკმარისი უნდა იყოს იმისთვის, რომ მოაშოროს ან გაანეიტრალოს COVID-19ის გამომწვევი ვირუსი.

COVID-19 კონვერტირებული ვირუსია ანუ ვირუსი, რომელიც მოთავსებულია კონვერტში – გარსში. ასეთი ვირუსები ნაკლებად მდგრადები არიან გარემო პირობების მიმართ და უფრო მგრძნობიარენი არიან ისეთი ოქსიდანტების მიმართ, როგორიცაა ქლორი.

„ამ დროისთვის არ გვაქვს მტკიცებულება, რომ COVID-19-ს შეუძლია გადარჩეს წყალში ან ჩამდინარე წყლებში [კანალიზაციაში]. ამ პირობებში, დიდი ალბათობით ვირუსი გახდება უმოქმედო ბევრად უფრო სწრაფად, ვიდრე სხვა, არაკონვერტირებული ადამიანის ვირუსები, რომლებსაც წყლით გადადებაც ახასიათებთ [ადენოვირუსები, ნეროვირუსები, როტავირუსები და ა ჰეპატიტი].”

აშშ-ის გარემოს დაცვის სააგენტო EPA წერს, რომ ვირუსის პრევენციისთვის სასმელი წყლის ადუღებაც არ არის საჭირო.

სამედიცინო ონლაინ ჟურნალიWebMD– წერს, რომ აშშ-ს ეროვნული მეცნიერების ფონდის, გარემოს ქიმიაზე აეროზოლის ზემოქმედების ცენტრის დირექტორის, კიმბერლი პრატერის განმარტებით, ზღვის წყალი ნაკლებად საფრთხილოა Covid-19-ის გავრცელების თვალსაზრისით, მისი თქმით საფრთხეს წარმოადგენს უშუალოდ პლაჟი, სადაც ნიავი უბერავს და ადამიანებს შორის 2-მეტრიანი სოციალური დისტანცია შესაძლოა საკმარისი არ აღმოჩნდეს.

„თუ ვინმე დაინფიცირებულია და ამის შესახებ არ იცის, შესაძლოა მის მიერ გამოფრქვეული, არა წვეთები, არამედ აეროზოლი, რომელიც გაცილებით უფრო მცირე წვეთებს წარმოადგენს, ზღვიდან მობერილი ბრიზის გამო გაცილებით უფრო დიდ დისტანციაზე გადაადგილდეს“ – ამბობს ის.

აშშ-ს დაავადებათა კონტროლისა და პრევენციის ცენტრი CDC: ამ დროისთვის მიიჩნევა, რომ COVID-19-ის გამომწვევი ვირუსის გადადების რისკი საკანალიზაციო სისტემებით ძალიან დაბალია. მიუხედავად იმისა, რომ ამ ვირუსის გავრცელება ჩამდინარე წყლებით შესაძლებელია, არ არსებობს მტკიცებულება, რომ ასეთი შემთხვევა მოხდა.

სხვა სიტყვებით, რომ ვთქვათ ზღვაზე მეტად, პლაჟზე გასული ადამიანებს უნდა ვერიდოთ, რომლებთანაც ზღვის სიახლოვეს უფრო დიდი დისტანცია უნდა დავიკავოთ ვიდრე აქამდე

„საუკეთესო შედარებაა თუ წარმოვიდგენთ – რამდენად შორს უნდა დადგეთ მწეველი ადამიანისგან, თუ არ გინდათ, რომ კვამლმა შეგაწუხოთ?“ – ამბობს პრატერი.

WebMD არის ამერიკული სამედიცინო თემატიკის ონლაინ ჟურნალი, რომლის კონტენსაც ქმნიან როგორც ჟურნალისტები, ისე ჯანდაცვის სპეციალისტები.