„ჩვენ სერიოზულად განვიხილავთ საკითხს, განსაკუთრებით მსხვილ ქალაქებში. სამწუხაროდ, შეიძლება გავხდეთ იძულებული და სასაფლაოების დახურვა მოგვიწიოს“-განაცხადა დღეს 14 აპრილს გიორგი გახარიამ ბრიფინგზე.
მისი თქმით, დიდი ალბათობით მთავრობას მოუწევს ამ მიმართულებით გარკვეული შეზღუდვების დაწესება, გარკვეული პერიოდით.
„ეს სამწუხარო ფაქტია, მაგრამ ყველას უნდა გვესმოდეს რომ ეხლა ვართ ბრძოლაში და ამ ბრძოლის ხაზი გადის ყველგან. არის შემთხვევები, როცა კომპრომისები საკმაოდ მძიმე და რისკის შემცველია. ეს პირდაპირ არის დამოკიდებული ვირუსის გავრცელების დინამიკასთან რომელიც იქნება.
არ არის მარტივი, მაგრამ ამ გადაწყვეტილებას მივიღებთ 1-2 დღის განმავლობაში და რა თქმა უნდა წინასწარ ადამიანებს გავაფრთხილებთ. სასაფლაოები მუნიპალური საკუთრებებია, მაგრამ დიდი ალბათობით, ჩვენ მოგვიწევს შეზღუდვების დაწესება გარკვეული პერიოდით“-ამბობს გახარია.
ქრისტიანებს სასაფლაობზე გასვლის ტრადიცია აქვთ აღდგომის მეორე დღეს, მსგავსი ტრადიცია აქვთ მუსლიმებსაც. ჟურნალისტის კითხვაზე, ცოტახანში იწყება მუსლიმების ერთ-ერთ მნიშვნელოვანი დღესასწაული რამადანი და იმ შემთხვევაში, თუკი მათაც გაუჩნდებათ პარასკევის ლოცვაზე გასვლის სურვილი, როგორი იქნება ამ შემთხვევაში მთავრობის პოზიცია, მით უმეტეს იმ ფონზე, როცა მართლმადიდებელი ეკლესიის წევრებს არ ეზღუდებათ მსახურებებზე სიარული? – გიორგი გახარია ამბობს, რომ „მიდგომა ყველასთან იქნება ერთნაირი“. თუმცა დასძენს, რომ მას იმედი აქვს „მოქალაქეების გონიერების და სიბრძნის“.
ამავე თემაზე:
10 დღით ბათუმში, თბილისში, ქუთაისსა და რუსთავში შესვლა-გამოსვლა იკრძალება – გახარია
