„კორონავირუსისგან ყველაზე დაზარალებული ორი ქვეყანა – იტალია და ესპანეთი კარანტინის წესების შედარებით შემსუბუქებას გეგმავს. იტალიაში ნელ-ნელა იხსნება მაღაზიები, ესპანეთში კი ქარხნების ნაწილი უკვე ამუშავდა”, – წერს BBC.
მსოფლიო ჯანდაცვის ორგანიზაცია ამ ქვეყნების ხელისუფლებებს თავშეკავებისკენ მოუწოდებს, მადრიდის გადაწყვეტილებით უკმაყოფილოა ევროკავშირი.
ავსტრიაში სამშაბათიდან უნდა გაიხსნას ათასობით მაღაზია. საფრანგეთსა და დიდ ბრიტანეთში კარანტინის წესები უცვლელია. მაკრონმა გუშინ, 13 აპრილს, კარანტინი ერთი თვით, 11 მაისამდე გადაავადა. პანდემიის პიკს ამ ქვეყნებში ჯერ კიდევ არ გადაუვლია, გერმანია განხილვის პროცესშია, შეამსუბუქებს თუ არა საკარანტინო რეჟიმის ზოგ წესს.
დონალდ ტრამპი გამოვიდა განცხადებით, რომ უახლოეს მომავალში უნდა მოიხსნას კარანტინი შტატებში და ეს შესაძლებელია, რადგან ,,აშშ-ს პრეზიდენტის ძალაუფლება აბსოლუტურია“.
კანონის თანახმად, აშშ-ში მსგავსი გადაწყვეტილებების მიღების უფლებამოსილება შტატების გუბერნატორებს აქვთ. ექსპერტები ვარაუდობენ, რომ ტრამპის განცხადება თეთრ სახლსა და შტატების ხელისუფლებას შორის კონფლიქტს გააღვივებს.
თუმცა აშშ-ში ათმა შტატმა უკვე თავად განაცხადა უარი კარანტინის მკაცრ ზომებზე, მათ შორის, ნიუ-იორკმა, კალიფორნიამ, ორეგანომ და ვაშინგტონმა.
