ნიუ იორკში, მანჰეტენზე მდებარე, მსოფლიოში ყველაზე დიდი გოთიკური ეკლესია კორონავირუსის პანდემიის დროს, საჭიროების შემთხვევაში, 200-მდე პაციენტს მოემსახურება – წერს ამერიკული მედია.
ეკლესიის შენობა ორშაბათს დაცალეს, გაიტანეს ათასობით სკამი, რათა ადგილი გაეთავისუფლებინათ საწოლებისთვის.
ეკლესიაში ათი სამედიცინო პალატა განთავსდება კლიმატკონტროლით, სადაც 200-მდე პაციენტის მოთავსება იქნება შესაძლებელი.
„ისტორიის, ეკლესიის ტრადიციებისა და იესოს მაგალითზე ეკლესიებს ყოველთვის ჰქონდათ თავშესაფრის დანიშნულება ჭირისა და სხვა კრიზისების დროს,“ – განაცხადა მედიასთან ტაძრის მღვდელმსახურმა.
ბოლო მონაცემებით, აშშ-ი კორონავირუსის 432 438 დადასტურებული შემთხვევაა, გამოჯანმრთელდა 24 125 ადამიანი, გარდაიცვალა – 14 808.
_______________
მთავარი ფოტო: nypost.com
