Batumelebi | ბზის მოჭრაზე კონტროლს ამკაცრებენ – ჯარიმა 500-1000 ლარია ბზის მოჭრაზე კონტროლს ამკაცრებენ – ჯარიმა 500-1000 ლარია – Batumelebi

ბზის მოჭრაზე კონტროლს ამკაცრებენ – ჯარიმა 500-1000 ლარია

ბზობის დღესასწაულის მოახლოებასთან დაკავშირებით, ბზის მოჭრაზე კონტროლს ამკაცრებენ.

„ტყეში ბზის მოჭრა, ამოძირკვა ან ტოტების დაზიანება დასჯადი ქმედებაა“ – აცხადებს გარემოს დაცვისა და სოფლის მეურნეობის სამინისტრო.

საჯარიმო სანქციების ოდენობა 500-დან 1000-მდე ლარია. თუ გარემოსთვის მიყენებული ზიანი აჭარბებს 1000 ლარს, გამოძიება დაიწყება სისხლის სამართლის მუხლით.

სამინისტროს ინფორმაციით, ბზა შესაძლებელია მოპოვებული იყოს მხოლოდ კერძო საკუთრებაში არსებული სანერგეებიდან, ხელოვნურად გაშენებული პლანტაციებიდან, ადგილობრივი თვითმმართველობის ორგანოს მიერ გაცემული შესაბამისი ადგილწარმოშობის ცნობის საფუძველზე. 

____________

ფოტო „ბათუმელების“ არქივიდან

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com