მთავარი,სიახლეები

კორონავირუსი ბათუმში კიდევ ერთ ადამიანს დაუდასტურდა

04.04.2020 • 2113
კორონავირუსი ბათუმში კიდევ ერთ ადამიანს დაუდასტურდა

აჭარაში კორონავირუსის კიდევ ერთი ახალი შემთხვევა გამოვლინდა, ამის შესახებ დღეს, 4 აპრილს, განცხადება გააკეთა აჭარის ჯანდაცვის მინისტრმა, ზაალ მიქელაძემ.

„საკარანტინო ზონაში იყო ეს ადამიანი, მორიგი თერმოსკრინინგის დროს დაუდასტურდა ტემპერატურა. ეს იყო თურქეთიდან შემოსული პირი, ერთი კვირის წინ შემოვიდა. საბაჟოზე შემოსვლის დროს არ ჰქონდა ტემპერატურა, თუმცა გადაყვანილი იყო კარანტინში. ეს არის მორიგი იმპორტირებული შემთხვევა. პაციენტი 60 წლამდე ქალია. გადმოსვლის დროს იყო მარტო. მდგომარეობა არის მსუბუქი მიმდინარეობის, მაგრამ დამატებითი კვლევებიც ჩაუტარდება“ – ამბობს ზაალ მიქელაძე.

მინისტრის თქმით, დღეღამეში 36 ადამიანს ჩაუტარდა კორონავირუსზე კვლევა და კორონავირუსი მხოლოდ ერთს დაუდასტურდა.

ზაალ მიქელაძის თქმით, ამ ეტაპზე აჭარაში კორონავირუსის შიდა გადაცემის შემთხვევა არ გვაქვს. „დარჩი სახლში არის ერთადერთი გამოსავალი ამ ჯაჭვის შეწყვეტის. უსიმპტომო ადამიანია რისკის შემცველი დაავადების გავრცელების“ – ამბობს ზაალ მიქელაძე.

ახალი შემთხვევის ჩათვლით, აჭარაში covid-19-ის დიაგნოზით 8 პაციენტს მკურნალობენ. ერთი პაციენტი კი გამოჯანმრთელდა და დატოვა კლინიკა.

აჭარაში საკარანტინე ზონაში იმყოფება 2 000 პირი, თვითიზოლაციაში კი ასამდე ადამიანია.

დღევანდელი მონაცემებით საქართველოში კორონავირუსით სულ 157 ადამიანია ინფიცირებული, გამოჯანმრთელდა 28 პირი, 1 ადამიანი კი დღეს გარდაიცვალა.

გადაბეჭდვის წესი


ასევე: