Batumelebi | თურქეთის 30 ქალაქში ავტომობილების გადაადგილება იზღუდება, სავალდებულოა პირბადის ტარება თურქეთის 30 ქალაქში ავტომობილების გადაადგილება იზღუდება, სავალდებულოა პირბადის ტარება – Batumelebi

თურქეთის 30 ქალაქში ავტომობილების გადაადგილება იზღუდება, სავალდებულოა პირბადის ტარება

თურქეთში საქართველოს საელჩოს განცხადებით, 4 აპრილს, კორონავირუსის შემდგომი გავრცელების პრევენციის მიზნით, თურქეთში ამოქმედდება შემდეგი დამატებითი შეზღუდვები:

4 აპრილიდან მომდევნო 15 დღის განმავლობაში, თურქეთის 30 მთავარ ქალაქში, აიკრძალება ავტომობილების შესვლა და გასვლა. საჭიროების შემთხვევაში, შეზღუდვა, შესაძლებელია, რომ გაგრძელდეს 15 დღიანი ვადის ამოწურვის შემდეგაც.

ეს ქალაქებია:

ადანა, ანკარა, ანტალია, აიდინი, ბალიქესირი, ბურსა, დენიზლი, დიარბაქირი, ერზერუმი, ესქიშეჰირი, გაზიანთეფი, ჰათაი, იზმირი, ქაჰრამანმარაში, ქაისერი, ქოჯაელი, კონია, მალათია, მანისა, მარდინი, მერსინი, მუღლა, ორდუ, საქარია, სამსუნი, შანლიურფა, თექირდაღი, ტრაპიზონი, ვანი და ზონგულდაქი.

თურქეთის მასშტაბით, ქუჩაში გასვლა იკრძალება 65 წელს გადაცილებული, ასევე, 20 წელს ქვემოთ და 2000 წლის 1 იანვრის შემდეგ დაბადებული მოსახლეობისთვის. 

ბაზრებსა და მარკეტებში მოსახლეობისთვის სავალდებულოა პირბადის ტარება.

საელჩო საქართველოს მოქალაქეებს მოუწოდებს, დამატებითი კითხვების არსებობის შემთხვევაში, დარეკონ ცხელ ხაზზე:

  • ანკარაში საქართველოს საელჩოს ცხელი ხაზი: +90 533 690 30 40; +90 5392208280
  • სტამბოლში საქართველოს გენერალური საკონსულოს ცხელი ხაზი: +90 541 818 44 00
  • ტრაპიზონში საქართველოს გენერალური საკონსულოს ცხელი ხაზი: +90 541 326 22 26
  • იზმირში საქართველოს საპატიო კონსულის ოფისი: +90 530 280 45 08
ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com