Batumelebi | UCKEBA-ს სახელით მიღებული SMS-ები 3000 ლარით დაჯარიმებაზე არ არის მართალი – შსს UCKEBA-ს სახელით მიღებული SMS-ები 3000 ლარით დაჯარიმებაზე არ არის მართალი – შსს – Batumelebi
RU | GE  

UCKEBA-ს სახელით მიღებული SMS-ები 3000 ლარით დაჯარიმებაზე არ არის მართალი – შსს

შინაგან საქმეთა სამინისტროს ინფორმაციით, ბოლო პერიოდში, საქართველოს მობილური ოპერატორების ცალკეულ აბონენტებს UCKEBA-ს სახელით დაეგზავნათ მოკლე ტექსტური შეტყობინებები, შემდეგი შინაარსით: „თქვენ დაჯარიმდით კომენდანტის საათის დარღვევის გამო, ჯარიმის ოდენობა 3000 ლარი. R.M. police.ge“.

„ზემოაღნიშნული მოკლე ტექსტური შეტყობინებები არ არის გაგზავნილი შინაგან საქმეთა სამინისტროს მიერ და არ შეესაბამება სიმართლეს.

აღნიშნულ და სხვა ანალოგიურ ფაქტებზე მიმდინარეობს შესწავლა, რომელთაც საქართველოს კანონმდებლობით დადგენილი წესით მოჰყვება შესაბამისი რეაგირება.“ – აცხადებს შსს.

21 აპრილის ჩათვლით საქართველოში საგანგებო მდგომარეობაა გამოცხადებული. საღამოს 9 საათიდან დილის 6 საათამდე კი კომენდანტის საათი მოქმედებს:

რისი უფლება გაქვთ და რა გეზღუდებათ კარანტინის დროს – პასუხი 18 შეკითხვაზე

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com