საქართველოში კორონავირუსისგან კიდევ სამი პაციენტი გამოჯანმრთელდა. სულ გამოჯანმრთელებულთა რაოდენობა კი, 2 აპრილის მდგომარეობით, 26-ია. გასული დღე-ღამის განმავლობაში ვირუსით ინფიცირებულთა რიცხვმა 13-ით მოიმატა.
ცნობისათვის, პირველ აპრილს, დილით ინფიცირებული იყო 117 პაციენტი, დღეს კი 130-ია. გამომდინარე იქიდან, რომ 26 უკვე გამოჯანმრთელებულია, საქართველოს კლინიკებში 104 პირი რჩება, რომელთაც კორონავირუსი აქვთ.
ქვეყნის მასშტაბით კარანტინის რეჟიმში 5 550 ადამიანია, სტაციონარში მეთვალყურეობის ქვეშ კი, 281 რჩება.
