Batumelebi | 6 წლის ბიჭს დაბადების დღე სახლის წინ ჩავლილი მანქანებიდან მიულოცეს 6 წლის ბიჭს დაბადების დღე სახლის წინ ჩავლილი მანქანებიდან მიულოცეს – Batumelebi

6 წლის ბიჭს დაბადების დღე სახლის წინ ჩავლილი მანქანებიდან მიულოცეს

აშშ-ში მცხოვრები სკოტ მაიკლის დაბადების დღის წვეულება, რომელიც 22 მარტს იყო დაგეგმილი, კორონავირუსის გამო ჩაიშალა.

სკოტი ექვსი წლის გახდა. დაბადების დღის წვეულებას იგი მთელი წელი ელოდა, როგორც ყველა ბავშვი, მაგრამ, კორონავირუსის პანდემიის გამო, ზეიმი ჩაიშალა.

თუმცა სკოტის მეგობრებმა და მათმა მშობლებმა მოიფიქრეს დაბადების დღის მილოცვის ისეთი ხერხი, რომელიც COVID 19-ის პანდემიის დროს უსაფრთხო იქნებოდა.

მათ სკოტის დაბადების დღეს მის სახლთან ფერადი ბუშტებითა და წარწერებით მორთული ავტომობილებით ჩამოიარეს, სკოტის დაბადების დღე მიულოცეს და საჩუქრებიც დაუტოვეს. დაბადების დღის ამ უჩვეულო მილოცვის ამსახველ ვიდეოს მილიონობით ნახვა აქვს ფეისბუქზე.

სკოტი ელოდება მეგობრებს

აი, მეგობრებიც

აშშ-ი პირველ ადგილზეა მსოფლიოში კორონავირუსის გავრცელების სიხშირით. დღეის მონაცემებით ქვეყანაში COVID 19-ის 175 067 დადასტურებული შემთხვევაა რეგისტრირებული.

ნეტგაზეთის მასალების სხვა გამოცემებში გადაბეჭდვის წესი
ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან