ბათუმში მრავალბინიანი საცხოვრებელი კორპუსების სადარბაზოების ერთჯერადი დეზინფექცია მიმდინარეობს. ბათუმის მერიის ცნობით, ამ ეტაპზე დეზინფექცია 350-მდე კორპუსის სადარბაზოს ჩაუტარდა.
ბათუმში სპეციალური ხსნარით ჯამში 850 სადარბაზო დამუშავდება.
ბათუმის მერიის ინფორმაციით, პარალელურად მიმდინარეობს მუნიციპალური ავტობუსის მოსაცდელების სადეზინფექციო სამუშაოები, ჯამში დამუშავდება 150-მდე მოსაცდელი.
მერის განცხადებით, სადარბაზოების დეზინფექციას მერია პირველ ჯერზე ჩაატარებს უფასოდ, მეორე-მესამე შემთხვევაში კი, დეზინფექცია ფასიანი იქნება და კვადრატულ მეტრზე 10 თეთრი იქნება გადასახდელი.
დეზინფექციის განმეორებით ჩატარების მოთხოვნით მოსახლეობამ ცხელი ხაზის შემდეგ ნომერზე უნდა დარეკოს: 577 49 59 59.