Batumelebi | „ჰილტონიდან“ ინფექციურში უცხო ქვეყნის მოქალაქე გადაიყვანეს – სასტუმრომ მუშაობა შეაჩერა „ჰილტონიდან“ ინფექციურში უცხო ქვეყნის მოქალაქე გადაიყვანეს – სასტუმრომ მუშაობა შეაჩერა – Batumelebi
RU | GE  

„ჰილტონიდან“ ინფექციურში უცხო ქვეყნის მოქალაქე გადაიყვანეს – სასტუმრომ მუშაობა შეაჩერა

ბათუმში სასტუმრო „ჰილტონმა“ დღეს, 23 მარტს, მუშაობა შეაჩერა. „მთავარი არხის“ მიერ გავრცელებული ინფორმაციით, სასტუმროში მყოფ ერთ-ერთ პირს, გრიპის სიმპტომები დაუდგინეს და ინფექციურ საავადმყოფოში გადაიყვანეს.

აჭარის ჯანდაცვის სამინისტროში, ასევე დაავადებათა კონტროლის ცენტრში ამ ინფორმაციას არ ფლობენ. ჯანდაცვის სამინისტროს განმარტებით, „ჰილტონში“ საკარანტინე ზონა მოწყობილი არ ყოფილა.

სასტუმროდან კონკრეტული პირის შესახებ გადაყვანის ჟურნალისტებმა კითხვა ბათუმის ინფექციური საავადმყოფოს მენეჯერს, ინფექციონისტ დავით მურვანიძეს დაუსვეს. მისი თქმით, საკარანტინო ზონიდან გუშინ გვიან ღამით და დღეს დილით სულ 6 პირი გადაიყვანეს კლინიკაში და თითოეული მათგანის ანალიზის პასუხს დღის ბოლომდე ელიან.

ინფექციური საავადმყოფოს მენეჯერის თქმით, ამ პირებს შორის ერთია უცხო ქვეყნის მოქალაქე. უცხო ქვეყნის კიდევ ერთ მოქალაქეს ბათუმში რამდენიმე დღის წინ დაუდასტურეს კორონავირუსი.

„6 პაციენტის პასუხს ველოდებით, რომლებიც გვიან ღამით და ამ დილით შემოვიდნენ ჩვენთან, აღებულია მათი მასალები და გაგზავნილია ლაბორატორიაში… ყველანი შემოყვანილი იყვნენ ზოგადი ტემპერატურის მატებით და ერთს აღენიშნებოდა 38-მდე სიცხე, საკარანტინო ზონიდან არიან გადმოყვანილი“, – უთხრა ჟურნალისტებს დავით მურვანიძემ.

სატელეფონო ზარს არ უპასუხეს სასტუმრო „ჰილტონის“ ადმინისტრაციაში.

ნეტგაზეთის მასალების სხვა გამოცემებში გადაბეჭდვის წესი
ავტორი