ბათუმის მერის, ლაშა კომახიძის განცხადებით, კორონავირუსთან დაკავშირებით ბათუმის მერია აჩერებს ყველა ხალხმრავალ ღონისძიებას. გაუქმდა საზეიმო ღონისძიებები, მათ შორის, არ გაიმართება სახალხო დღესასწაული „ბათუმობა“.
ასევე, შეჩერდა ხელმისაწვდომი საცხოვრისის, იგივე იაფი სახლის პროგრამაში რეგისტრაცია, გარდა ამისა მერიაში მუშაობა შეაჩერა ყველა კომისიამ გარდა ჯანდაცვის კომისიისა.
ლაშა კომახიძის განცხადებით, მერიაში მუშაობას გააგრძელებენ მერი, მოადგილეები და სამსახურის უფროსები, მერიის სხვა თანამშრომლები კი დისტანციურად იმუშავებენ. მერი მოუწოდებს მოქალაქეებს 15 აპრილამდე არ მივიდნენ მერიაში, თუ ამის აუცილებლობა არ აქვთ. ასევე, მუშაობას აჩერებს ყველა კომისია, გარდა ჯანდაცვის კომისიისა.
მერის განმარტებით უახლოეს დღებში მერია გააქტიურებს იმ ონლაინ პლათფორმებს , რომლებიც უკვე აქვს, ამის შესახებ ინფორმაციას მერიის ფესიბუქის გვერდზე გამოაქვეყნებენ.
