Batumelebi | ომში დაღუპული ჯარისკაცების დედებს და მეუღლეებს 1000 ლარს ჩაურიცხავენ ომში დაღუპული ჯარისკაცების დედებს და მეუღლეებს 1000 ლარს ჩაურიცხავენ – Batumelebi
RU | GE  

ომში დაღუპული ჯარისკაცების დედებს და მეუღლეებს 1000 ლარს ჩაურიცხავენ

აჭარის ჯანდაცვისა და სოციალური უზრუნველყოფის სამინისტროს ინფორმაციით, დღეს, 3 მარტს, დედის დღესთან დაკავშირებით, სამინისტრო 1000 ლარს ჩაურიცხავს 2008 წლის აგვისტოს ომში დაღუპული ჯარისკაცების დედებსა და მეუღლეებს.

სამინისტროს ინფორმაციით, ათასლარიან დახმარებას 29 ადამიანი მიიღებს დღეს. აგვისტოს თვეში კი ერთჯერად მატერიალურ დახმარებას მიიღებს 27 მეომრის ოჯახი – თითოეული 3000 ლარის ოდენობით.

ოფიციალური ინფორმაციით, ფინანსური დახმარება გაიცემა სამინისტროს პროგრამის ფარგლებში რომელიც 2008 წლის რუსული აგრესიის დროს დაღუპულ, დაზიანების შედეგად შეზღუდული შესაძლებლობის სტატუსის მქონე მეომართა და 2012 წელს ავღანეთში დაღუპულ სამხედრო მოსამსახურეთა ოჯახების დახმარებას ითვალისწინებს.

 

მთავარი ფოტო: „ბათუმელების“ არქივი/აგვისტოს ომში დაღუპული კაპრალის, გიორგი შაინიძის დედა.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com