მთავარი,სიახლეები

ბათუმში კორონავირუსი არც ერთ პირს არ დაუდასტურდა

07.03.2020 • 3352
ბათუმში კორონავირუსი არც ერთ პირს არ დაუდასტურდა

ბათუმში კორონავირუსი არც ერთ პირს არ დაუდასტურდა – ბათუმის ინფექციურ საავადმყოფოში მოთავსებული სამი პირის ლაბორატორიული კვლევის შედეგები კორონავირსუზე უარყოფითია. ლუგარის ლაბორატორიაში ჩატარებული კვლევის შედეგები ახლახან [18:31] გახდა ცნობილი.

სამი პირი, რომლებსაც იტალიაში მოგაზურობის ისტორია აქვთ, ბათუმის ინფექციურ საავადმყოფოს ბოქსირებულ განყოფილებაში გუშინ მოათავსეს. ერთი პირი სარფის საბაჟოდან შემოვიდა, ორი კი თვითიზოლაციაში იყო, ანუ უფრო ადრე დაბრუნდნენ იტალიიდან და გუშინ დაუფიქსირდათ მაღალი ტემპერატურა.

ინფექციურ საავადმყოფოში მოთავსებული სამი პირის გარდა, ბათუმში, ერთ-ერთ სასტუმროში კარანტინში კიდევ 30 პირი იმყოფება.

კორონავირუსი საქართველოში პირველად 26 თებერვალს დადასტურდა. დღეის, 7 მარტის მდგომარეობით კი უკვე 12 პირია ინფიცირებული, მათ შორის არის დაავადებათა კონტროლის ეროვნული ცენტრის ხელმძღვანელის, ამირან გამყრელიძის შვილი. ნიკოლოზ გამყრელიძე კორპორაცია „ევექსის“ გენერალური დირექტორია.

გადაბეჭდვის წესი


ასევე: