Batumelebi | არდადეგები დაიწყო – სკოლებში ჩატარდება დეზინფექცია არდადეგები დაიწყო – სკოლებში ჩატარდება დეზინფექცია – Batumelebi
RU | GE  

არდადეგები დაიწყო – სკოლებში ჩატარდება დეზინფექცია

საქართველოს განათლების სამინისტროს გადაწყვეტილებით, საგაზაფხულო არდადეგები ერთი კვირით გადმოიწია და ის 9 მარტის ნაცვლად 2 მარტს დაიწყება. არდადეგები გაგრძელდება 16 მარტამდე. ამ პერიოდში კი ყველა სკოლაში ჩატარდება სადეზინფექციო სამუშაოები.

„პროფილაქტიკის მიზნით გადავწყვიტეთ სკოლებში დეზინფექციის ჩატარება“, – განაცხადა დღეს საქართველოს განათლების მინისტრმა მიხეილ ჩხენკელმა.

ეს გადაწყვეტილება საქართველოს მთავრობამ კორონავირუსის პრევენციის მიზნით მიიღო.

დღეს საქართველოში კორონავირუსით ინფიცირების მესამე ფაქტო გამოვლინდა. ორი ინფიცირებული პირი ირანიდან შემოვიდა, ხოლო ერთი იტალიიდან. სამივე ინფიცირებული პირი საქართველოს მოქალაქეა.

დღეს კიდევ რამდენიმე პირის მონაცემები გადააგზავნეს ლუგარის ლაბორატორიაში ტესტირებისთვის. შედეგები დღეს საღამოსთვის გახდება ცნობილი.

კორონავირუსის პრევენციისთვის დიდი მნიშვნელობა აქვს იმ პირების თვითიზოლაციას, რომლებიც ეპიდაფეთქების ცენტრებში მოგზაურობდნენ და დაბრუნდნენ საქართველოში.

______

სოციალურ ქსელებში კრიტიკულად უდგებიან თვითიზოლაციის საკითხს. შესაბამისად, კორონავირუსის პერიოდში თვითიზოლაციის მნიშვნელობაზე წაიკითხეთ ირმა დიმიტრაძის პირადი გამოცდილება. წერილის ავტორი ბოლო ერთი წელია ჩინეთში ცხოვრობს.

 

კორონავირუსი: რატომაა აუცილებელი რისკჯგუფის თვითიზოლაცია – ირმა დიმიტრაძის წერილი ჩინეთიდან

 

ნეტგაზეთის მასალების სხვა გამოცემებში გადაბეჭდვის წესი
ავტორი
ეთერ თურაძე არის გაზეთ "ბათუმელების" მთავარი რედაქტორი 2001 წლიდან