დღეს სამტრედიაში ავტოსაგზაო შემთხვევა მოხდა – ერთმანეთს ტრაილერი და მინივენი შეეჯახა. შემთხვევის შედეგად მინივენში მსხდომი ხუთივე პირი – სამი ქალი და ორი კაცი დაიღუპა.
შემთხვევის ადგილზე მყოფმა ერთ-ერთმა კაცმა „მთავარ არხთან“ აღნიშნა, რომ მინივენის მძღოლი მისი ახლობელია და ავტომანქანა ბათუმიდან მიდიოდა.
არხის ცნობით, შს სამინისტრომ მათ უთხრა, რომ გამოძიება ტრანსპორტის მოძრაობის უსაფრთხოების ან ექსპლუატაციის წესის დარღვევის მუხლით დაიწყო.
