მთავარი,სიახლეები

დააკავეს პირი, რომელმაც 10 000 ლარი გამოართვა დევნილს ბინის მიღების სანაცვლოდ

18.02.2020 • 1225
დააკავეს პირი, რომელმაც 10 000 ლარი გამოართვა დევნილს ბინის მიღების სანაცვლოდ

საქართველოს ფინანსთა სამინისტროს საგამოძიებო სამსახურის ინფორმაციით, დაკავებულია პირი, რომელიც საქართველოს ოკუპირებული ტერიტორიიდან იძულებით გადაადგილებულ პირს დაუკავშირდა და დაარწმუნა, რომ „შესაბამისი თანხის გადახდის შემთხვევაში,  საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს წარმომადგენლების მეშვეობით, დაეხმარებოდა მას, ზუგდიდში, საცხოვრებელი ფართის საკუთრებაში გადაცემაში.

აღნიშნული თაღლითური განზრახვით, ბრალდებულმა, მოქალაქეს მოსთხოვა და გამოართვა 10 000 ლარი, რა დროსაც მოხდა მისი დაკავება“, – ნათქვამია საგამოძიებო სამსახურის განცხადებაში.

გამოძიება მიმდინარეობს საქართველოს სისხლის სამართლის კოდექსის 180-ე მუხლის მეორე ნაწილით, რაც სასჯელის სახით ითვალისწინებს თავისუფლების აღკვეთას 4-დან 7 წლამდე ვადით.

გადაბეჭდვის წესი


ასევე: