Batumelebi | სატვირთო მანქანას საქართველოში 2 ტონაზე მეტი კანაფი მიჰქონდა – თურქული მედია სატვირთო მანქანას საქართველოში 2 ტონაზე მეტი კანაფი მიჰქონდა – თურქული მედია – Batumelebi

სატვირთო მანქანას საქართველოში 2 ტონაზე მეტი კანაფი მიჰქონდა – თურქული მედია

თურქული მედიის ინფორმაციით, დააკავეს იტალიდან საქართველოს მიმართულებით მიმავალი უცხონომრიანი სატვირთო მანქანის მძღოლი, რომელსაც  2 ტონა 70 კილოგრამი კანაფი მიჰქონდა. 

დეკლარაციის მიხედვით, სატვირთო მანქანას სასუქის ტიპის საქონელი გადაჰქონდა. საეჭვო სიმკვრივის დადგენისთანავე, მანქანა გადაყვანილი იქნა გასაჩხრეკად.

ჩატარებული ჩხრეკისას შემჩნეული იქნა, რომ ნარკოტიკებზე დაგეშილი ძაღლები რეაგირებდნენ მანქანაში არსებულ ზოგიერთ ტომარაზე. აღნიშნული ტომრები ჩამოღებული იქნა მანქანიდან. შემოწმების შედეგად დადგინდა, რომ 213 ტომარაში იყო 2 ტონა 70 კილოგრამი კანაფი. 

ამოღებული რეკორდული ოდენობის ნარკოტიკული ნივთიერების სავარაუდო საბაზრო ღირებულება 124 მილიონ 220 ათას ლირას შეადგენს.

დაკავებულია სატვირთო მანქანის მძღოლი, რომელიც, თურქული მედიის ცნობით, უცხოელია.

ფოტო: aa.com.tr

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.