გარემოს ეროვნული სააგენტოს აჭარის რეგიონალური ჰიდრომეტეოროლოგიური ობსერვატორიის ინფორმაციით, დღეს, 6 თებერვალს, დღის განმავლობაში თბილი ამინდი შენარჩუნდება, ხვალ კი ბათუმში მოსალოდნელია ღრუბლიანი ამინდი, წვიმა, აჭარის მთაში – თოვა. მაღალმთაში მოსალოდნელია ზვავსაშიშროება.
იქროლებს დასავლეთის მიმართულების ქარი 10-15 მეტრი წამში, ზოგან ძლიერი – 20-25 მეტრი წამში.
ჰაერის ტემპერატურა სანაპირო რაიონებში იქნება:
- დღისით: 5-10 გრადუსი
- ღამით: 1-6 გრადუსი
მთაში მოსალოდნელია:
- დღისით: 0-5 გრადუსი სითბო
- ღამით: 0-5 გრადუსი ყინვა
რაც შეეხება ამინდს შაბათ-კვირას, სინოპტიკოსების ცნობით, 8 და 9 თებერვალს ბათუმში მოსალოდნელია ნალექი თოვლ-ჭყაპისა და თოვლის სახით. გარემოს ეროვნული სააგენტოს ცნობით, შაბათს ბათუმში თოვლ-ჭყაპი იქნება, კვირას კი მოთოვს და ჰაერის ტემპერატურა ღამით -3 გრადუსამდე დაეცემა.
______________
ფოტო: „ბათუმელები“/ნანა კვაჭაძე