Batumelebi | მეწყერი ქედაში – ხუთსულიანი ოჯახი უსაფრთხო ადგილას გადაიყვანეს მეწყერი ქედაში – ხუთსულიანი ოჯახი უსაფრთხო ადგილას გადაიყვანეს – Batumelebi
RU | GE  

მეწყერი ქედაში – ხუთსულიანი ოჯახი უსაფრთხო ადგილას გადაიყვანეს

ქედაში, სოფელ ზენდიდში, ბერიძეების საცხოვრებელთან 4 თებერვალს მეწყერი განვითარდა. ქედის მუნიციპალიტეტის მერიის ცნობით, ბერიძეების 5-წევრიანი ოჯახი უსაფრთხო ადგილას იქნა გაყვანილი, ხოლო სტიქიის ადგილს გეოლოგები უახლოეს დღეებში შეისწავლიან, რომელთა დასკვნის საფუძველზე თვითმმართველობა მოახდენს რეაგირებას.

მცირე მეწყერი განვითარდა, ასევე, ქოსოფელში, რომელიც, მუნიციპალიტეტის მერიის ცნობით, დღეს გაიწმინდება.

გუშინ, 4 თებერვალს, ქედაში გზაზე  ორი მეწყერი ჩამოწვა. მეწყრული მოვლენები ქედაში თოვლ-ჭყაპს მოჰყვა.

ფოტო: ქედის მუნიციპალიტეტის მერია

ფოტო: ქედის მუნიციპალიტეტის მერია

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.