განათლება,მთავარი,სიახლეები

სტუდენტებისთვის სწავლის დასაფინანსებლად კონკურსი გამოცხადდა

16.01.2020 • 2742
სტუდენტებისთვის სწავლის დასაფინანსებლად კონკურსი გამოცხადდა

პირველი კურსის სტუდენტების დაფინანსებისთვის კონკურსი გამოცხადდა. კონკურსში მონაწილეობის მიღება შეუძლიათ სტუდენტებს, რომლებიც აკრედიტირებულ საბაკალავრო და სამაგისტრო საგანმანათლებლო პროგრამებზე სწავლობენ და მათი ბოლო სემესტრის საშუალო აკადემიური მოსწრება ტოლია ან მეტი 71%-ის.

სტუდენტები ასევე უნდა აკმაყოფილებდნენ რომელიმე შემდეგ პირობას:

  1. ცხოვრობენ მაღალმთიან აჭარაში და ბოლო ექვსი წლის განმავლობაში სწავლობდნენ და სრული ზოგადი განათლების დამადასტურებელი დოკუმენტი მიიღეს აჭარის მაღალმთიან მუნიციპალიტეტებში: ქედა, შუახევი, ხულო. ასევე, ქობულეთისა და ხელვაჩაურის მუნიციპალიტეტების იმ სოფლებში, რომელთაც აქვთ მაღალმთიანი სოფლის სტატუსი მინიჭებული.
  2.  სტუდენტები, რომლებიც არიან ობლები და ბოლო ექვსი წლის განმავლობაში, მინიმუმ სამი სასწავლო წელი სრულად სწავლობდნენ აჭარის ზოგადსაგანმანათლებლო დაწესებულებებში,
  3. სტუდენტები, რომლებიც არიან  მრავალშვილიანი ოჯახის – ოთხი და მეტი შვილით წევრები,
  4. სტუდენტები, რომელთა ოჯახები რეგისტრირებულნი არიან სოციალურად დაუცველი ოჯახების მონაცემთა ერთიან ბაზაში და მათი ოჯახების სარეიტინგო ქულა ტოლი ან ნაკლებია 100 000-ზე,
  5. სტუდენტები, რომლებიც არიან მკვეთრად/მნიშვნელოვნად/ზომიერად გამოხატული შეზღუდული შესაძლებლობის მქონე პირები და
  6. სტუდენტები, რომელთა მშობლებს კანონმდებლობით დადგენილი წესით მინიჭებული აქვთ მარტოხელა მშობლის (მარტოხელა დედის ან მარტოხელა მამის) სტატუსი და ბოლო ექვსი წლის განმავლობაში, მინიმუმ სამი სასწავლო წელი სრულად სწავლობდნენ აჭარაში არსებულ ზოგადსაგანმანათლებლო დაწესებულებებში.

კონკურსი აჭარის განათლების სამინისტრომ გამოაცხადა. სამინისტროში განაცხადების წარდგენის ვადაა 2020 წლის 3 თებერვლიდან 28 თებერვლის ჩათვლით.

მთავარი ფოტო: „ბათუმელების“ არქივიდან

გადაბეჭდვის წესი


ასევე: