ხელოვნური პლაჟი ბათუმში - ახალ ბულვართან ხრეშის დაყრა დასრულდა [ფოტო]

ხელოვნური პლაჟი ბათუმში – ახალ ბულვართან ხრეშის დაყრა დასრულდა [ფოტო]

"ქართული ოცნება" კვლავ აპირებს რუსული კანონის მიღებას. ეს კანონპროექტი 2023 წლის მარტში მასობრივი პროტესტის შემდეგ "ოცნებამ" უკან გაიწვია და პირობა დადო, რომ მას აღარასოდეს დაუბრუნდებოდა.
ანალოგიურმა კანონმა რუსეთში გააქრო ყველა დემოკრატიული ინსტიტუტი და გაამყარა პუტინის რეჟიმი.

ახალ ბულვართან პლაჟის ხელოვნურად მოწყობისთვის ხრეშის დაყრა დასრულდა. ბათუმის ნაპირდაცვის პროექტის ფარგლებში, დაახლოებით 30 ათასი კუბ/მეტრი ხრეში, აქ ძველი ბულვარის მიმდებარე ტერიტორიიდან მანქანებით გადმოიტანეს. მუნიციპალური განვითარების ფონდში ამბობენ, რომ შესასრულებელი დარჩა ხრეშის ადგილზე მოსწორება-გადანაწილების სამუშაოები.

ძველი ბულვარიდან ახალ ბულვარში ხრეშის მილებით გადაქაჩვა იყო დაგეგმილი, თუმცა ეს გეგმა ჩაიშალა. სპეციალურად ჩამოტანილი მოწყობილობებისა და მილების საკითხი კი ამ დრომდე გადაწყვეტილი არ არის.

ერთი თვის წინ მუნიციპალური განვითარების ფონდში „ბათუმელებს“ განუცხადეს, რომ მათ მისცეს დავალება პროექტის ინჟინერს – იტალიურ კომპანიას, შეისწავლოს მიზეზი. მიზეზის დადგენის შემდეგ კი დადგება ზარალის ანაზღაურების საკითხი [შესაძლოა განიხილონ არსებული სატუმბი სისტემის შეცვლა და ახლის შემოტანა, რომელიც იმუშავებს ბათუმის პლაჟზე, ვინაიდან ახალ ბულვართან პლაჟმა რომ იარსებოს, მას მუდმივი კვება, ანუ იქ ხრეშის რეგულარულად დაყრა სჭირდება, განსაკუთრებით აეროპორტის ასაფრენი ზოლის მიმდებარედ].

ბათუმის ახალ ბულვარში სასეირნო ბილიკის, 2 კილომეტრი სიგრძის ნაპირდამცავი ნაგებობებისა და ხელოვნური პლაჟის მოსაწყობად ბიუჯეტიდან 55 მილიონამდე ლარი იხარჯება.

პროექტი 2020 წლის იანვრის ბოლოს დასრულდება. შესაძლო დეფექტების აღმოსაფხვრელად კი, ხელშეკრულებით, 2 წელია გათვალისწინებული.