Batumelebi | საახალწლო ნაძვის ხე ბათუმის ბულვარში 20 იანვრამდე დარჩება საახალწლო ნაძვის ხე ბათუმის ბულვარში 20 იანვრამდე დარჩება – Batumelebi
RU | GE  

საახალწლო ნაძვის ხე ბათუმის ბულვარში 20 იანვრამდე დარჩება

საახალწლო ნაძვის ხის დემონტაჟი ბათუმის ბულვარში, როგორც მერიის საქალაქო ინფრასტრუქტურისა და კეთილმოწყობის სამმართველოში გვითხრეს 20 იანვარს დაიწყება. მთავარი საახალწლო ნაძვის ხე ბათუმში საზეიმოდ 2019 წლის 26 დეკემბერს აანთეს.

საახალწლო ღონისძიებები ბათუმში ამჯერად არა ევროპის მოედანზე, არამედ ბათუმის ბულვარში გაიმართა. აქვე, მრგვალ შადრევანზე დადგეს მთავარი ნაძვის ხეც.

საახალწლო ღონისძიებები, დღეს, 7 იანვარს დასრულდება.

დღეს, საღამოს 20:00 საათზე, ღონისძიება სტეფანეს კონცერტით დაიწყება, 21:00 საათიდან კი Spacecraft-ი გააგრძელებს.

ბათუმის კულტურის ცენტრის ინფორმაციით, 8 იანვარს დაიწყება საკონცერტო მთავარი სცენის დემონტაჟი. ხვალვე აიღებენ ბულვარში განთავსებულ ჯიხურებს, სადაც საახალწლო ბაზრობა იმართებოდა.

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com