Batumelebi | გარემოსდაცვითი მოთხოვნების დარღვევისა და გემიდან ზღვის დაბინძურების შემთხვევები 2019 წელს გარემოსდაცვითი მოთხოვნების დარღვევისა და გემიდან ზღვის დაბინძურების შემთხვევები 2019 წელს – Batumelebi
RU | GE  

გარემოსდაცვითი მოთხოვნების დარღვევისა და გემიდან ზღვის დაბინძურების შემთხვევები 2019 წელს

2019 წელს, გარემოსდაცვით მოთხოვნებთან შესაბამისობის დადგენის მიზნით, საქართველოს ნავსადგურებში შემოსული 251 გემის ინსპექტირება განხორციელდა. გარემოსდაცვითი ზედამხედველობის დეპარტამენტის ინფორმაციით, „სხვადასხვა დარღვევის გამო, 32 მცურავი საშუალების პასუხისმგებელ პირთა მიმართ გატარდა შესაბამისი ზომები. დაფიქსირდა გემებიდან ზღვის დაბინძურების 6 შემთხვევა“.

პასუხისმგებელი პირები დაჯარიმდნენ – თითოეული 65 000 ლარით. გარემოსთვის მიყენებული ზიანის საერთო ოდენობამ შეადგინა 10 806,9 ლარი – აცხადებს დეპარტამენტი.

გემების ინსპექტირება და თევზჭერის კონტროლი გარემოსდაცვითი ზედამხედველობის დეპარტამენტის შავი ზღვის დაცვის კონვენციური სამმართველოს მიერ განხორციელდა. შავი ზღვის აკვატორიაში, 2019 წელს, თევზჭერის წესების დარღვევის 24 ფაქტი გამოვლინდა.

 

მთავარი ფოტო: ბათუმის პორტი / მანანა ქველიაშვილის ფოტო „ბათუმელების“ არქივიდან
ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com