მთავარი,რეკლამა,სიახლეები

ბათუმის ქუჩებში „ალდაგის” „მადლობის ეკიპაჟი” საუკეთესო მძღოლებს აჯილდოებს

13.12.2019 • 2505
ბათუმის ქუჩებში „ალდაგის” „მადლობის ეკიპაჟი” საუკეთესო მძღოლებს აჯილდოებს

„თუ იცავ – მეტს იმსახურებ“ – ამ სლოგანით სადაზღვევო კომპანია „ალდაგმა“ ახალი კამპანია წამოიწყო. კამპანიის  მიზანია მოძრაობის წესების დამცველი მძღოლების წახალისება.

დღეს, 12  დეკემბერს, ბათუმის ქუჩებში „ალდაგის“ „მადლობის ეკიპაჟი“ მოძრაობს, რომელიც მძღოლებს აკვირდება, მათ შორის საუკეთესოებს არჩევს და აჯილდოებს მოძრაობის წესების ზედმიწევნით დაცვისთვის.

„მადლობის ეკიპაჟი“ საუკეთესო მძღოლებს 5000-ლარიან სადაზღვევო პაკეტს, ავტომანქანის აქსესუარებს, სურნელოვან საკიდებს, ჩანთებსა და სახალისო სტიკერებს გადასცემს.

„მადლობის ეკიპაჟმა“ ბათუმის ქუჩებში მოძრაობა დღეს,  12 საათზე დაიწყო.

პირველი საუკეთესო მძღოლი ინგა სხვიტარიძე აღმოჩნდა. როგორც „მადლობის ეკიპაჟის“ ერთ-ერთი წევრი, ნიკო კანკია ამბობს, ინგას ავტომანქანა მათ მოსახვევთან შენიშნეს, როცა მძღოლს მოხვევის ციმციმა უკვე ჩართული ჰქონდა.

„შემდეგ კი, მალევე, მან ზებრაზე  ფეხითმოსიარულეებს დაუთმო გზა, გაჩერებისას კიდევ ერთხელ ჩართო მოხვევის ციმციმა, რაც საკმარისი მიზეზი  აღმოჩნდა, რომ გაგვეჩერებინა და დაგვეჯილდოებინა. მართვის მოწმობის ბარათზე მძღოლს 100 ქულა აღმოაჩნდა, რაც ნიშნავს, რომ 30%-იან ფასდაკლებას მიიღებს სადაზღვევო პაკეტებზე დამატებით, ეს „ალდაგისგან“ ყველა კარგი მძღოლის დაფასებაა,“ – ამბობს ნიკო.

კამპანიის ფარგლებში „ალდაგი“ მაღალქულიან მძღოლებს ავტოდაზღვევაზე ფასდაკლებას სთავაზობს. ამ გვერდზე [დაკლიკეთ სიტყვა] მძღოლებს შეუძლიათ გაიგონ საკუთარი ქულა და მიიღონ შესაბამისი ფასდაკლება ავტოდაზღვევაზე.

„მადლობის ეკიპაჟის“ მიერ დაჯილდოებული პირველი მძღოლი ბათუმში ამბობს, რომ მაშინაც კი, როცა ძალიან ეჩქარება, დანიშნულების ადგილზე უსაფრთხოდ მისვლა მისთვის უფრო მნიშვნელოვანია, ვიდრე სისწრაფე. ინგა სხვიტარიძე ერთადერთი მძღოლი არ არის, ვისაც დღეს „მადლობის ეკიპაჟი“ დააჯილდოებს მოძრაობის წესების დაცვისთვის.

„ალდაგის“ კამპანიის ფარგლებში: „თუ იცავ – მეტს იმსახურებ“ კლიპიც შეიქმნა, რომელშიც ქართველი მომღერლები: რობი კუხიანიძე, ტატო რუსია და ჯგუფი „მოკუ“, ნუგზარ ერგემლიძე და სხვები ასრულებენ მძღოლებისადმი მიძღვნილ სიმღერას.

სადაზღვევო კომპანია „ალდაგის“ წარმომადგენლები მიიჩნევენ, რომ საქართველოში ბევრი კარგი მძღოლია, რომლებიც მეტ დაფასებასა და ყურადღებას იმსახურებენ. სწორედ ამიტომ გადაწყვიტა „მადლობის ეკიპაჟმა“ გასცდენოდა თბილისის საზღვრებს და მთელ ქვეყანაში დაეჯილდოვებინა საუკეთესო მძღოლები. თბილისისა და ბათუმის შემდეგ „მადლობის ეკიპაჟი“ ქუთაისში დაიწყებს მოძრაობას და ნელ-ნელა საქართველოს ყველა რეგიონს მოიცავს.

„მადლობის ეკიპაჟის“ წევრები

გადაბეჭდვის წესი


ასევე: