დღეს, 20 ნოემბერს, ავარია მოხდა ბათუმში, მელიქიშვილის ქუჩაზე. „ბათუმელების“ ინფორმაციით ერთმანეთს 2 მსუბუქი ავტომანქანა შეეჯახა.
ბათუმის სასწრაფო სამედიცინო სამსახურის ინფორმაციით, „ერთ-ერთი მანქანის მძღოლი, 27 წლის კაცი, გულმკერდისა და თავის ქალის ტრავმით გადაყვანილია მედცენტრში“.
ადგილზე იმყოფება საპატრულო პოლიცია.
შინაგან საქმეთა სამინისტროს ინფორმაციით გამოძიება სისხლის სამართლის კოდექსის 276-ე მუხლის მე-2 ნაწილით დაიწყო.