ბათუმი,მთავარი,სიახლეები

რიყეთის ტყეში ხანძარი ჩააქრეს, სხვა ადგილებში ცეცხლის ღია კერა აღარ არსებობს – საგანგებო

20.11.2019 • 1754
რიყეთის ტყეში ხანძარი ჩააქრეს, სხვა ადგილებში ცეცხლის ღია კერა აღარ არსებობს – საგანგებო

შინაგან საქმეთა სამინისტროს საგანგებო სიტუაციების მართვის სამსახურის განცხადებით ხულოს მუნიციპალიტეტის სოფელ დიდ რიყეთში ხანძარი ლიკვიდირებულია. ადგილზე მუშაობდა 45 მეხანძრე-მაშველი.

ხანძარი ლიკვიდირებულია ასევე მესტიის მუნიციპალიტეტის სოფელ ხევრალის მიმდებარედ. ადგილზე 2 დღის განმავლობაში მუშაობდა 120 მეხანძრე-მაშველი.

საქართველოს მასშტაბით ტყის ქვედა საფარის 7 კერიდან ხუთზე სრული ლოკალიზაციაა. ამ დროისთვის ცეცხლის არც ერთი ღია კერა არ არსებობს. საგანგებო სიტუაციების მართვის სამსახურის ინფორმაციით ღამის განმავლობაში გრძელდებოდა  მონიტორინგის სამუშაოები, დღეს დილიდან კი დაკვამლიანების კერების სალიკვიდაციო სამუშაოები განახლდა.

საგანგებო სიტუაციების მართვის სამსახური მწყემსებს, მონადირეებს, ტყეში გირჩის შესაგროვებლად შესულ ადგილობრივ მოსახლეობას, ლაშქრობის მოყვარულებს მაქსიმალური ყურადღებისკენ მოუწოდებს. „თქვენმა შესაძლო დაუდევრობამ შესაძლებელია, ბუნებას დიდი ზიანი მიაყენოს“ – აცხადებენ საგანგებო სამსახურში.

 

მთავარი ფოტო: ტყეში ხანძრის ლიკვიდაცია / საგანგებო სიტუაციების მართვის სამსახურის ფოტო

გადაბეჭდვის წესი


ასევე: