მთავარი,რეკლამა,სიახლეები

„გოლდენ სიი“-ს სტუდენტები „შანგრილაში” მასაჟისტ-რეაბილიტატორის პროფესიას ისწავლიან

15.11.2019 • 3206
„გოლდენ სიი“-ს სტუდენტები  „შანგრილაში” მასაჟისტ-რეაბილიტატორის პროფესიას ისწავლიან

შავი ზღვის საერთაშორისო კოლეჯ „გოლდენ სიის“ და კომპანია „ტაიგას“ შორის 2016 წლის 15 მარტს დაწყებული მოლაპარაკებები სისრულეში მოვიდა და კომპანიებს შორის ურთიერთთანამშრომლობის მემორანდუმი გაფორმდა.

თანამშრომლობის ფარგლებში კოლეჯის სტუდენტები დუალურად ისწავლიან სპა-ფიტნესცენტრ „შანგრილას“ ბაზაზე და შემდეგ დასაქმდებიან.

აჭარაში არსებული სპა-ფიტნესცენტრი „შანგრილა“ 4 ბრენდულ სასტუმროშია (ინტურისტი, სკაი თაუერი, ეუფორია, ველმონდი) განთავსებული და კომპანიის ერთიანი ქსელის ნაწილია.

მემორანდუმის საფუძველზე კომპანია „ტაიგა“ მზად არის ჩაერთოს „გოლდენ სიი“-ს საგანმანათლებლო პროცესში და უზრუნველყოს მაღალკვალიფიციური პერსონალის მომზადება.

კოლეჯი „გოლდენ სიი“ დასაქმების პერსპექტივით მიიღებს მასაჟისტ-რეაბილიტატორის პროფესიაზე სტუდენტებს შემდეგი მიმართულებით:

[checklist]

  • სამკურნალო მასაჟი
  • ეგზოტიკური მასაჟი (ტაი, ბალი, ლომი)
  • და სხვა ყველა ტიპის მასაჟი

[/checklist]

მასაჟის სასწავლო ტექნიკა გადმოღებულია ტაილანდიდან, ჰავაიდან და ინდონეზიიდან – სტუდენტები დუალურ სასწავლო პროცესს ამ პროფესიებში სწორედ ზემოთდასახელებულ ბრენდული ქსელების სპაში გაივლიან და შემდეგ დასაქმდებიან.

ლეილა გოგიტიძე – შავი ზღვის საერთაშორისო კოლეჯ „გოლდენ სიი“-ის დირექტორი, ფილოლოგიის მეცნიერებათა დოქტორი, ლინგვისტი

„მინდა აღვნიშნო, რომ მასაჟისტ რეაბილიტატორის დუალურ სასწავლო კურსებს მსურველები პირველად ჩვენს კოლეჯში გაივლიან.  წარმატებული პროცესი მაძლევს იმის იმედს, რომ კიდევ ბევრი აუცილებელი და საჭირო პროფესიის დამკვიდრებას შევძლებთ დუალური სასწავლო პროცესით და შედეგად მივიღებთ მთავარს: მაღალი კვალიფიკაციის კადრს და მარტივად დასაქმებას, რაც ასე ძალიან სჭირდება ჩვენი ქვეყნის წინსვლას“, – ამბობს შავი ზღვის საერთაშორისო კოლეჯ „გოლდენ სიის“  დირექტორი ლეილა გოგიტიძე.

„ტაიგას“ დამფუძნებელი ისმეთ გურლექი.

„ბაზარზე დიდი მოთხოვნაა პროფესიონალ  მასაჟისტებიზე. შესაბამისად, მზად ვართ მონაწილეობა მივიღოთ კოლეჯ „გოლდენ სიი-სთან“ ერთად დუალური სწავლების პროცესის წარმართვში და დავუთმოთ სივრცე „შანგრილას“ სპა მასაჟის ქსელში სტუდენტებს, რათა ისწავლონ ეს პროფესია. სწავლების დასრულების შემდეგ კი აქტიურად ვიმუშავებთ მათ დასაქმებაზე “- განაცხადა კომპანია „ტაიგას“ დამფუძნებელმა ისმეთ გურლექმა.

კომპანია „ტაიგა“ 2006 წლიდან არსებობს ბაზარზე. ბოლო 5 წელია კი ხელს უწყობს ამ მიმართულებით პროფესიული განათლების განვითარებას აჭარის რეგიონში, აქტიურად არის ჩართული სტუდენტთა კვალიფიკაციის ამაღლების საქმეში და ასევე მათ დასაქმებაში.


დეტალური ინფორმაციისთვის დაგვიკავშირდით: 577190653; 591718142.

მისამართი: ბათუმი, დ.თავდადებულის N49.

ელ.ფოსტა: Leila.gogitidze@gmail.com; batumigoldensea@gmail.com.

გადაბეჭდვის წესი


ასევე: