წყლის მიწოდება ბათუმში 8 ნოემბერს ღამით ოთხ ქუჩაზე შეწყდება – „ბათუმის წყალი“


შპს „ბათუმის წყლის“ ინფორმაციით, დღეს, 8 ნოემბრის საღამოს 12 საათიდან 9 ნოემბრის დილის 8 საათამდე, ბათუმში წყლის მიწოდება შეუწყდება შემდეგ ქუჩებს:

ინასარიძის ქუჩა,
ფიროსმანის ქუჩა,
შერიფ ხიმშიაშვილის ქუჩა,
გენერალ ასლან აბაშიძის ქუჩა.

კომპანიის განცხადებით, წყლის მიწოდების შეწყვეტის მიზეზი გეგმიური სარეაბილიტაციო სამუშაოებია.

„წყალმომარაგების მიწოდების აღდგენის შემდეგ, შესაძლოა სარემონტო სამუშაოების გამო წყალი იყოს მცირედით ამღვრეული, რაც გამოწვეულია მილზე არსებული ჯანმრთელობისათვის უსაფრთხო მინერალების ჩამორეცხვით.

გთხოვთ, წყლის მიწოდების აღდგენის შემდეგ ონკანი გააღეთ და წყალი ადინეთ რამდენიმე წუთით, შესაძლო ამღვრეული წყლის გამოშვების მიზნით,“ – აცხადებს „ბათუმის წყალი“ .

კომპანიამ ანალოგიური შინაარსის განცხადება 5 ნოემბერსაც გაავრცელა, თუმცა ზოგიერთ აბონენტს წყალი მიეწოდებოდა. მაშინ დაზიანება გენერალ ასლან აბაშიძისა და ინასარიძის ქუჩების კვეთაში იყო. „ბათუმის წყლის“ ინფორმაციით, დაზიანება კვლავ აღნიშნული ადგილის მიმდებარედაა.

მთავარი ფოტო: წყალმომარაგების დაზიანებული მილი ა. აბაშიძისა და ინასარიძის ქუჩების კვეთაში / 6.11.2019 / ფოტო: „ბათუმის წყალი“
ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com