„გარწმუნებთ, რომ ხელისუფლებას ვერავინ ვერაფერს მოუწყობს და საზოგადოებრივ წესრიგს არანაირი საფრთხე არ შეექმნება. თუ ვინმეს სურს პროტესტის გამოხატვა, გამოხატოს მშვიდობიანი ფორმებით.
რაც შეეხება ფილმს და ხელოვნებას, ჩვენ გვაქვს თავისუფალი ქვეყანა და კულტურული საზოგადოება. ყველას შეუძლია, ისე გამოხატოს საკუთარი თავი, როგორც თავად თვლის საჭიროდ,“ – განაცხადა დღეს, 6 ნოემბერს, პარლამენტის თავმჯდომარემ, არჩილ თალაკვაძემ. მას ჟურნალისტებმა ჰკითხეს ფილმის „და ჩვენ ვიცეკვეთ“ პირველ ჩვენებასთან დაკავშირებით, რომელიც 8 ნოემბერსაა დაგეგმილი თბილისისა და ბათუმის კინოთეატრებში.
ბიზნესმენი ლევან ვასაძე აცხადებს, რომ თანამოაზრეებთან ერთად გეგმავს ფილმის “და ჩვენ ვიცეკვეთ” ჩვენების ჩაშლას.