31 622 ავარია და 337 დაღუპული 9 თვეში – ავტოსაგზაო შემთხვევების სტატისტიკა საქართველოში


შინაგან საქმეთა სამინისტროს მონაცემებით, 2019 წლის იანვარ-სექტემბერში საქართველოში ავტოსაგზაო შემთხვევის შედეგად 337 ადამიანი დაიღუპა, აქედან 23 აჭარაში [ოქტომბრის თვეში აჭარაში ავარიის შედეგად კიდევ 3 ადამიანი დაიღუპა და რამდენიმე დაშავდა]. ავტოსაგზაო შემთხვევების შედეგად კი იანვარ-სექტემბერში დაშავდა 5 884 ადამიანი [მათ შორის 580 აჭარის ტერიტორიაზე].

2019 წლის პირველ 9 თვეში, სამინისტროს მონაცემებით, ქვეყნის მასშტაბით ადგილი ჰქონდა 31 622 ავტოსაგზაო შემთხვევას. აქედან საგზაო-სატრანსპორტო შემთხვევების რაოდენობა სისხლის სამართლის კოდექსის 276-ე მუხლის მიხედვით იყო – 4 273, ხოლო საქართველოს ადმინისტრაციულ სამართალდარღვევათა კოდექსის მიხედვით – 27 349.

შსს-ს ინფორმაციით, 2018 წელს ავტოსაგზაო შემთხვევების შედეგად საქართველოში 459 ადამიანი დაიღუპა, ხოლო ბოლო 10 წელიწადში ავტოსატრანსპორტო შემთხვევების შედეგად 6 608 ადამიანი გარდაიცვალა და 85 946 ადამიანმა ჯანმრთელობის დაზიანება მიიღო.

ამ თემაზე:

საქართველოში ავარიის შედეგად 6 608 ადამიანი დაიღუპა ბოლო ათ წელში

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com