ცხრა ვაკანსია ბათუმის მერიაში, ოთხი – აჭარის განათლების სამინისტროში


ბათუმის მერია რამდენიმე სამსახურის დასაკომპლექტებლად განმეორებით კონკურსს უკვე მეხუთედ აცხადებს. ამჯერად მერიამ სხვადასხვა სამსახურში თანამშრომლის შესავსებად კონკურსი ცხრა ვაკანტურ თანამდებობაზე გამოაცხადა.

კონკურსი გამოცხადებულია ქალაქგანვითარებისა და ურბანული პოლიტიკის სამსახურის ქალაქგეგმარებისა და ურბანული პოლიტიკის განყოფილების პირველი კატეგორიის უფროსი სპეციალისტის შესარჩევად. ამ თანამდებობაზე ხელფასის სახით 1700 ლარია  განსაზღვრული. კონკურსანტს უნდა ჰქონდეს ბაკალავრის კვალიფიკაცია და ორწლიანი სამუშაო გამოცდილება არქიტექტურის ან ურბანული არქიტექტურის მიმართულებით.

ვაკანტურია ასევე ბათუმის მერიის ქალაქგანვითარებისა და ურბანული პოლიტიკის სამსახურის ისტორიული განაშენიანების ზონის განვითარების განყოფილების უფროსის თანამდებობა. საკონკურსო მოთხოვნები თითქმის იდენტურია, თანამდებობრივი სარგო კი 2000 ლარია.

მერია კონკურსის წესით შეარჩევს ასევე შიდა აუდიტის სამსახურის რეკომენდაციების მონიტორინგის განყოფილების მესამე კატეგორიის უფროს სპეციალისტს. ამ თანამდებობაზე ხელფასი 1300 ლარია. 

ვაკანტურია ასევე თანამდებობები [ პირობები იხილეთ მიმაგრებულ ბმულზე] :

მერიის მიერ გამოცხადებული კონკურსი სამეტაპიანია და წარდგენილი დოკუმენტების გადარჩევის შემდეგ წერით გამოცდას, მესამე ეტაპზე კი კომისიასთან გასაუბრებას ითვალისწინებს.

აჭარის განათლების სამინისტრომ კი ოთხ ვაკანტურ თანამდებობაზე გამოაცხადა კონკურსი, ესენია:

  • შიდა აუდიტის განყოფილების მეორე კატეგორიის უფროსი სპეციალისტი
  • კულტურის დეპარტამენტის უფროსი
  • სახელმწიფო შესყიდვების დეპარტამენტის უფროსი
  • საერთაშორისო ურთიერთობათა განყოფილების მეორე კატეგორიის უფროსი სპეციალისტი 
ნეტგაზეთის მასალების სხვა გამოცემებში გადაბეჭდვის წესი
ავტორი