სინოპტიკოსების ცნობით, დღეს აჭარაში წვიმიანი ამინდი შენარჩუნდება, ხვალ, 3 ნოემბერს, დილიდან კი გამოიდარებს.
გარემოს ეროვნული სააგენტოს აჭარის რეგიონალური ჰიდრომეტეოროლოგიური ობსერვატორიის დირექტორის, რუსუდან დიასამიძის თქმით, 3 ნოემბრიდან ბათუმში და მთელს აჭარაში მზიანი, თბილი ამინდია მოსალოდნელი მინიმუმ სამ დღეს. „შესაძლებელია, თბილი ამინდი მთელ იკვირის განმავლობაში შენარჩუნდეს“ – გვითხრა რუსუდან დიასამიძემ.
დღეს, 2 ნოემბერს, ბათუმში წვიმის შედეგად რამდენიმე ქუჩა დაიტბორა. მეწყრული პროცესები განვითარდა ქობულეთსა და ქედაში, მაღალმთიან აჭარაში კი გათოვდა.