მეწყერი ქედაში – ხუთი ოჯახი მისასვლელის გარეშე დარჩა


ქედის მუნიციპალიტეტის სოფელ ხარაულაში მეწყერი ჩამოწვა, დაახლოებით ხუთი ოჯახი მისასვლელი გზის გარეშეა დარჩენილი.

ქედის მერის, ლევან გორგილაძის ინფორმაციით, ამ დროისათვის ჩამოწოლილი მასა აღარ მოძრაობს, თუმცა გაწმინითი სამუშაოების დაწყება ჯერ არ შეიძლება:

„იმიტომ რომ შეიძლება ეს მასა ამოძრავდეს. თუ ასე მოხდება, ორ ოჯახს შესაძლოა საფრთხე შეექმნას, ამიტომ მოსახლეობა გაფრთხილებულია, ველოდებით ამინდის დასტაბილურებას, შემდეგ კი დავიწყებთ გაწმენდით სამუშაოებს. ამ დროისთვის გამოიდარა, თუ წვიმა ისევ დაიწყება, იძულებულები გავხდებით მოსახლეობა გამოვასახლოთ ამ სახლებიდან.“

მერის განმარტებით გზის გარეშე დარჩენილ ოჯახებს მეწყერი არ ემუქრება.

ლევან გორგილაძის ინფორმაციით, სხვა არცერთ სოფელში მისასვლელი გზის პრობლემა არ არის და არც ელექტროენერგიის მიწოდების შეფერხებაზე შესულა ინფორმაცია.

ნეტგაზეთის მასალების სხვა გამოცემებში გადაბეჭდვის წესი
ავტორი