ვალენბერგის #4-ში მოქალაქეს ე.წ. ავტოკაფე სკვერში, სასეირნო ბილიკზე აქვს განთავსებული. აქ მცხორებლების ინფორმაციით მოქალაქე ირწმუნება, რომ მერიისგან შესაბამისი ნებართვა აქვს მიღებული. ეს სკვერი ზვიად გამსახურდიას ქუჩის ბოლოში მდებარეობს.
ბათუმის მერიაში განგვიმარტეს, რომ ნებართვა ჰქონდა, თუმცა ვადა გაუვიდა და ახალი ჯერჯერობით არ გაუციათ.
მერიის ეკონომიკური სამსახურის ნებართვების განყოფილების უფროსმა თამაზ გოგიტიძემ „ბათუმელებთან“ სატელეფონო საუბარში განმარტა, რომ „საკითხი ვიზირებაზეა გადაცემული“ და ამ მოქალაქეს „სავარუდოდ ნებართვას მისცემენ“, თუმცა საკითხის გარკვევის შემდეგ გადაიფიქრა:
„არასდროს შემოსულა საჩივარი, თუ ასეთი საჩივარი არის, ჯერჯერობით შევაჩერებთ ნებართვის გაცემის პროცესს და ადგილზე გავარკვევთ რა ხდება, რადგან ფოტოთი ვერ ვიმსჯელებთ.“ – გვითხრა თამაზ გოგიტიძემ.
მისივე ინფორმაციით, ეს კაფე იმავე ადგილზე ხუთ წელზე მეტია ფუნქციონირებს და „ამ დრომდე პრობლემა არ ყოფილა“.
