დღეს, 17 ოქტომბერს, ბოლნისში ქალი მოკლეს, მისი მკვლელობის ბრალდებით კი ქმარი დააკავეს.
შსს-ს ინფორმაციით, გამოძიება სისხლის სამართლის კოდექსის 11 პრიმა 109-ე მუხლის მე-2 ნაწილის „ვ“ ქვეპუნქტით მიმდინარეობს, რაც ოჯახის წევრის მიმართ განზრახ მკვლელობას გულისხმობს.
ფემიციდის კიდევ ერთი შემთხვევა მოხდა საქართველოში 11 ოქტომბერს. შინაგან საქმეთა სამინისტროს მიერ გავრცელებული ინფორმაციის თანახმად, ბრალდებულმა 11 ოქტომბერს ხაშურში, თამარ მეფის ქუჩაზე, ყოფილ მეუღლეს – 30 წლის ნ.გ.-ს ავტომატური ცეცხლსასროლი იარაღის კონდახით თავის არეში სასიკვდილო დაზიანებები მიაყენა და შემთხვევის ადგილიდან მიიმალა.
ფემიციდის შემთხვევების 40%-ზე მეტი განქორწინების ან გაშორების შემდეგ ხდება, როდესაც კაცი კარგავს ქალს, რომელსაც საკუთრებად მიიჩნევს. მოკლული ქალების 75% ასევე განიცდიდა თვალთვალს მის მკვლელობამდე 12 თვის განმავლობაში.
