Batumelebi | ინტერნეტპლატფორმები და ბიზნესის რეკლამა – ტრენინგი ყოფილი პატიმრებისთვის ინტერნეტპლატფორმები და ბიზნესის რეკლამა – ტრენინგი ყოფილი პატიმრებისთვის – Batumelebi

ინტერნეტპლატფორმები და ბიზნესის რეკლამა – ტრენინგი ყოფილი პატიმრებისთვის

„დემოკრატიის ინსტიტუტმა“ ციფრული ციფრული მარკეტინგისა და სოციალური მედიის მორიგი ტრენინგი ჩაატარა მსმენელებისთვის, რომლებიც ამავე ორგანიზაციის ბენეფიციარები არიან.

ყოფილმა პატიმრებმა და პრობაციონერებმა, ასევე მათი ოჯახის წევრებმა, Facebook-ისა და სხვა ინტერნეტ პლატფორმების გამოყენებით, საკუთარი ბიზნესსაქმიანობის რეკლამის შესაძლებლობებზე მიიღეს ინფორმაცია.

„Facebook-ის გამოყენება და ფოტოების ატვირთვა დღეს ყველას შეუძლია, თუმცა მნიშვნელოვანია, რომ სოციალური ქსელი მიზნობრივად გამოიყენო შენი საქმიანობის რეკლამისთვის. ამ ტრენინგის შედეგად გავიგე, რომ ციფრული მარკეტინგის საშუალებით შესაძლებელია უფრო მაღალი შედეგის მიღწევა. მნიშვნელოვანია, რომ სოციალურ ქსელში ფოტოები იყოს კარგი ხარისხის და ტექსტები იყოს საინტერესო. ახლა ვფიქრობ გვერდის მოწონებები გავზარდო, რომ უფრო მეტმა მომხმარებელმა გაიცნოს ჩვენი ნამუშევრები“ – გვითხრა ტრენინგის ერთ-ერთმა მსმენელმა.

ციფრული მარკეტინგის უპირატესობები, Facebook-ისა და სხვა სოციალური ქსელების გამოყენება პირადი და საქმიანი მიზნებისთვის, სოციალური ქსელების გამოყენება ბიზნესისთვის, Facebook-ი მეწარმეებისთვის, ბიზნესისთვის გვერდის შექმნა, გვერდის მართვა/ადმინისტრირება, კონტენტის შექმნა, რეკლამის განთავსება. ეს ის საკითხებია, რასაც თითოეული მსმენელი თავის სამეწარმეო საქმიანობაში სამომავლოდ აქტიურად გამოიყენებს.

მსმენელებმა პრაქტიკული სამუშაოებიც შეასრულეს, განიხილეს სხვადასხვა წარმატებული ბიზნესკომპანიის facebook გვერდი და შექმნეს საკუთარი კომპანიის გვერდები სარეკლამო პოსტების საჯაროდ გასაზიარებლად.

„დემოკრატიის ინსტიტუტი“ სამომავლოდ სოციალური მედიის პრაქტიკულ ტრენინგს იმ ბერნეფიციარებისთვის ჩაატარებს, რომლებიც საკუთარი საწარმოსთვის სხვადასხვა ინტერნეტ პლატფორმებს უკვე იყენებენ.

„დემოკრატიის ინსტიტუტი“ უკვე თითქმის ორი წელის ახორციელებს ,,ყოფილი პატიმრების გაძლიერების პროექტს“, რომლის ფარგლებშიც, გარდა სხვადასხვა მომსახურების გაწევისა, ბენეფიციარებს უტარდებათ ინდივიდუალურ საჭიროებებზე მორგებული სემინარები. პროექტს ,,დემოკრატიის ინსტიტუტი” პარტნიორ ორგანიზაციებთან ერთად დასავლეთ საქართველოს ოთხ რეგიონში ახორციელებს ევროკავშირის ფინანსური მხარდაჭერით.

 


,,ყოფილი პატიმრების გაძლიერების პროგრამა ” მიზნად ისახავს:

  • ყოფილ პატიმართა ჯანმრთელობის მდგომარეობის გაუმჯობესების ხელშეწყობას; 
  • იურიდიულ დახმარებას;
  • ბენეფიციართა გადამისამართებას შესაბამისი პროფილის სამედიცინო დაწესებულებაში;
  • ბენეფიციართა დახმარებას (ადვოკატირებას), რომ ისარგებლონ კუთვნილი სამედიცინო შეღავათებით და შესაბამისი სახელმწიფო პროგრამებით;
  • ყოფილი პატიმრების, პრობაციონერებისა და მათი ოჯახის წევრების მცირე სამეწარმეო ინიციატივების წახალისებას;
  • სამიზნე ჯგუფების დასაქმების ხელშეწყობას.

ზემოთჩამოთვლილი სერვისებით სარგებლობა შეუძლიათ ყოფილ პატიმრებს, პატიმართა ოჯახის წევრებს და პრობაციონერებს. ამისთვის მათ უნდა მიმართონ:

აჭარაში – დემოკრატიის ინსტიტუტს – ქ.ბათუმი ჭავჭავაძის ქ. №107, ტელ: (0422) 27 57 44

იმერეთში – აფხაზინტერკონტს / ქ.ქუთაისი ნინოშვილის ქ. №27, ტელ: (0431) 26 48 61

გურიაში – გურიის ახალგაზრდულ რესურსცენტრს /ოზურგეთი რუსთაველის ქ. №4, ტელ: (0496) 27 41 26

თანაზიარი – რუსთაველის ქ. 88 /ტელ: (0415) 22 10 78

მასალა მომზადებულია პროექტის – „ყოფილი პატიმრების, პატიმართა ოჯახებისა და პრობაციონერების მხარდაჭერის პროგრამა“  ფარგლებში.
პროექტს ახორციელებს ა(ა)იპ „დემოკრატიის ინსტიტუტი“ და დაფინანსებულია ევროკავშირის მიერ.
მასალაში გამოთქმული მოსაზრებები ავტორისეულია და შესაძლოა არ გამოხატავდეს დონორი ორგანიზაციის თვალსაზრისს.

ნეტგაზეთის მასალების სხვა გამოცემებში გადაბეჭდვის წესი
ავტორი
თამარ ნერგაძე არის "ბათუმელების" რეპორტიორი 2017 წლის ოქტომბრიდან. ტელ.: 568 81 41 75 / E-mail.: tamarnergadze123@gmail.com